Махаббат туралы аңыз
Жетісу облысы
Ертеде бір әйел болған екен. Оның Бұрхан атты жалғыз ұлы болады. Ұлын өте қатты жақсы көретін ана Бұрхан үйге сыпайы жақсы қыз алып келеді деп армандаған екен. Бірақ ұлы өте намысшыл асқақ Қораны сүйіп қалады. Баласының таңдауына наразы болған ана ұлын сол махаббаттан алшақтатуды ойлайды да, өте үлкен сарай салып сол жерге қамап қойды. Бірақ Бұрханның махаббаты өте күшті болғандықтан ол қамаудан босап шығып Қорамен біте қайнасып кетеді. Содан бері олар бірге ағады. Ал, Бұрханның анасы өзінің ұлын көп жылдар бойы жоқтап, көз жасын көл қылған деседі. Осылайша, «Бұрхан-бұлақ» сарқырамасының маңында «Ананың көз жасы» деген бұлақ бар екен.
