Қазақстан балы экспортқа жөнелтіледі
Қытай делегациясы Шығыс Қазақстан облысында бал арасы өнімдерінің сапасын тексеруде
ШҚО Кәсіпкерлер палатасының көмегімен өңірге Қытай Халық Республикасынан ресми сапармен делегация келді. Шетелдік сарапшылар бал өндіру және оны қайта өңдеу бойынша ШҚО бақылау жүйесіне және «Республикалық ветеринарлық зертхана» РМК филиалына, Қытайға өз өнімдерін шығаруға дайын қазақстандық кәсіпорындардың бал өнімдеріне тексеру жүргізеді.
«Қазақстанның бал өнімдері Қытай Халық Республикасында сұранысқа ие. Бал арасының экспорттық әлеуеті жылына 2 мың тонна, алайда Қазақстан Республикасы ҚХР импорттаушылары тізіліміне кірмейді», – деп атап өтті өңірлік Кәсіпкерлер палатасы бөлімінің басшысы Қайрат Мамырбаев. Оның айтуынша, Қазақстан Республикасын Қытайдың импорттаушылар тізіліміне енгізу ара өсіру шаруашылықтарына өнім өндіру көлемін арттыруға мүмкіндік береді. Ол ауыл шаруашылығы тауарларын өндіру саласында халықты жұмыспен қамтуға ықпал етеді.
Ресми сапар барысында делегаттар ҚР ветеринарлық зертханасының филиалына, ара өсіруден алынатын өнімдері қайта өңдеумен айналысатын кәсіпорындарға барып, Ұлан, Глубокский және Қатонқарағай аудандарындағы омарталарды аралады.
Тексеру жұмысының нәтижесінде, ҚХР-ға импорттаушылар тізіліміне қосу үшін шығарылатын өнімдерінің сапасы бойынша ҚХР талаптарына сай келетін қазақстандық кәсіпорындарды анықтау жөнінде шешім қабылданбақ.
Пікір қалдыру:
Пікірлер: