Бүлік салдарынан бизнеске келтірілген шығын артып келеді
Еліміздің бірнеше өңірінде бүлік салдарынан бизнеске келтірілген шығын артып келеді. Тәулік ішінде 1,6 млрд теңгеге көбейіп, 95,3 млрд теңге болды.
Бизнеске келтірілген шығынға қатысты 11 қаңтар сағат 09.00-дегі жағдай бойынша, Ұлттық палатаның байланыс орталығына 3 507 қоңырау түсті, соның ішінде: мародерлық мәселелері бойынша – 1669, форс-мажор – 138, блок-бекеттер – 2, зардап шеккен кәсіпкерлерді қолдау қоры бойынша – 11, жеке тұлғалардан түскен қоңыраулар – 1671.
Елдің 9 өңірінде 1709 нысанда орналасқан 1528 зардап шеккен бизнес субъекті анықталды, соның ішінде Алматы қаласында – 1578 нысанда орналасқан 1408 субъект.
Зардап шеккен бизнес салалары:
сауда – 1448;
қоғамдық тамақтану – 32;
қаржы секторы – 37;
логистика – 9;
БАҚ – 2.
Шығынның жалпы сомасы алдын ала есепке сәйкес 95,3 млрд теңгеден асты (Алматыда 93,8 млрд теңге).
Айта кетейік, кеше шығынның жалпы сомасы 93,7 млрд теңге болған.
Пікір қалдыру:
Пікірлер: