"Мама про Бизнес" - тренингті Қостанай облысының Кәсіпкерлер Палатасы қолдады
Қостанай облысының кәсіпкерлер палатасына "Мама Про" қоғамдық қорынан ерекше балаларды тәрбиелеп отырған әйелдерге арналған бизнесті оқыту бойынша тренингтер ұйымдастыру туралы сұрау түсті.
Мұндай сабақтарды өткізу үшін бизнес-тренер Әлия Шалабаева шақырылды, ол арнайы курс ұйымдастырды, оған бизнестегі өз бағытын таңдау және өз бетінше жұмыс істеуді қалай бастау керектігі туралы сабақтар кірді.
Бизнеспен айналысуды жоспарлап отырған 15 әйел оқудан өтті. 20 сабақ ұйымдастырылды, оның ішінде шешендік шеберлік, әлеуметтік желілерде өнімді жылжыту, психологтармен кездесу тақырыптары бойынша.
Оқуға қатысушылардың бірі-ерекше баланы тәрбиелеп отырған ана Жанна Нұрмағамбетованың айтуынша, мұндай әйелдер көбінесе кеңседе жұмыс істей алмайды, бірақ олардың әрқайсысында табыс әкелетін дағдылар бар.
.jpg)
Мысалы, Жаннаның өзі керемет тігеді және үйде шағын ателье жасау үшін бизнес жүргізу дағдыларын игеруді жоспарлап отыр. Ол қоғамдық жұмыстармен белсенді айналысады және осындай отбасыларды қолдайды.
Қостанай облысы Кәсіпкерлер палатасының директоры Данияр Күзенбаевтың айтуынша, әйелдер бизнесі өңірдегі кәсіпкерлікті дамытудың негізіне айналуда. Оның дамуында мемлекеттік бағдарламалар, қоғамдық ұйымдар маңызды рөл атқарады, олардың күш-жігері ынтымақтастыққа және кәсіпкерлерге қолдау мен кәсіби көмек көрсетілетін ортаны құруға бағытталған.
Пікір қалдыру:
Пікірлер: