Павлодар облысының кәсіпкерлер палатасы журналистерді құттықтады
"Атамекен" өңірлік палатасы бұқаралық ақпарат құралдарының қызметкерлеріне кәсіби мерекелеріне орай алғыс хаттар жолдады.
Журналистермен және бұқаралық ақпарат құралдарының басшыларымен кәсіпкерлер палатасының директоры Ерқанат Әбенов кездесті. Ол БАҚ өкілдеріне құттықтау сөздерімен жүгінді, оларға шығармашылық табыс, кәсіби жеңістер, зор денсаулық, жақсылық, амандық және өткір қалам тіледі.
«Өздеріңіз білетіндей, Ақордада БАҚ өкілдерін мемлекет басшысы марапаттады. Қасым-Жомарт Кемелұлы Тоқаев Мемлекет те, журналистер де халыққа қызмет етіп, ел өміріне әсер ететінін атап өтті. Сіздердің еңбектеріңіз үшін, ең алдымен, бизнестің жетістіктері мен проблемаларын, Павлодар облысының кәсіпкерлігін дамыту мәселелерін жария еткеніңіз үшін алғыс айтуға рұқсат етіңіз. Өз жұмысыңызды адал атқарып, «Атамекен» палатасының сенімді серіктесі және көмекшілеріне айналдыңыз. Себебі сіздер бизнеске мемлекеттік қолдау шаралары туралы білуге көмектесесіздер, өз елінің экономикасын өз қолдарымен құратын, адамдарға жұмыс жасайтын, қазынаны толықтыратын, қызмет көрсететін және өнім шығаратын нағыз еңбеккерлерді, кәсіпкерлерді кең аудиторияға көрсетесіздер» - деді ол.
Ерқанат Әбенов журналистерге "Атамекен" ҰКП Төралқа төрағасы Райымбек Баталовтың атынан және өз атынан алғыс хаттар табыс етті. БАҚ өкілдері өңірлік палатаның ақпарат берудегі ашықтығы және өзара тиімді ынтымақтастықты жалғастыруға дайындығы үшін алғыс білдірді.
Пікір қалдыру:
Пікірлер: