Неліктен кеденде тауарларды қайта тиеу шектелген?
Жақында бірқатар БАҚ шетелдік тасымалдаушыларға еуропалық жартылай тіркемелерде тасымалдау/ауыстырып тиеу әдісін қолданып, Қазақстанға жүк әкелуге шектеу қойылғаны туралы хабарлады.
Биыл маусым айында Қазақстан Республикасының Қаржы министрлігі ресейлік және беларусьтік әріптестерін ЕАЭО-ға кірмейтін елдерде тіркелген уақытша әкелінетін көлік құралдарының кеден органдарында орналасуы мен қозғалысының шарттарын сақтау қажеттігі туралы хабардар етті.
ЕАЭО Кеден кодексінің 38-тарауына сәйкес, ЕАЭО аумағына уақытша әкелінген шетелдік жартылай тіркемелерді өткізу кезінде халықаралық көлік құралдарын басқа тұлғаларға беруге, оның ішінде кері тиеуге болмайды.
Ереже бұзылған жағдайда тасымалдаушының кедендік әкелу баждарын, салықтарды, арнайы, демпингке қарсы, өтемақы баждарын төлеу жөніндегі міндеттемесі туындайды.
Қайта байланыстыру/қайта тиеу кезінде кедендік бақылауда тұрған халықаралық тасымалдауға арналған көлік құралы ауыстырылып, олардың ЕАЭО кедендік аумағынан шығару мерзімдері сақталмайды.
Осылайша, ЕАЭО Кеден кодексінің бірқатар нормалары бұзылады. Мұндай жағдайларға ҚР «Әкімшілік құқық бұзушылық» туралы Кодексінің 29-бабы бойынша жауапкершілік белгіленген.
(1).jpeg)
«Атамекен» ҚР Ұлттық кәсіпкерлер палатасы тасымалдаушылардың салалық бірлестіктерімен бірге, қазақстандық кәсіпкерлік субъектілеріне 2024 жылғы 1 шілдеден бастап осы стандарттарды сақтамағаны үшін жауапкершіліктің басталатыны туралы алдын ала хабардар етті», - деп мәлімдеді «Атамекен» Ұлттық кәсіпкерлер палатасы төрағасының орынбасары Мұрат Әмрин.
«Бүгінгі таңда Қазақстанның мемлекеттік кірістер органдары белгіленген талаптарды бұзғаны үшін тек ресейлік және беларусьтік тасымалдаушыларды ғана емес, сонымен қатар ЕАЭО кедендік аумағында ауыстырып тиеу арқылы жүктерді тасымалдаған қазақстандықтарды да ұстады», - деді Мұрат Әмрин.
Осыған байланысты «Атамекен» ҚР Ұлттық кәсіпкерлер палатасы ЕАЭО серіктес елдерінің бизнес-қоғамдастықтары кедендік реттеудің бірыңғай қағидаттарын сақтау қажеттігі туралы ауқымды ақпараттық жұмыстарды жүргізу қажет деген ұстанымда.
Пікір қалдыру:
Пікірлер: