Инвесторларға есік ашық
Алматы қаласында прокуратураның ұйымдастыруымен инвесторларға арналған «ашық есік» күні өтті. Іс-шара өңірлік кәсіпкерлер палатасының қолдауымен өтті. Оған қатысу үшін мемлекеттік органдар тарапынан кедергілер көрген инвесторлар арнайы шақырылды.
Кәсіпкерлер мен инвесторлардың проблемаларын тиімді шешу үшін Алматыда фронт-офис құрылған. Оған «Kazakh Invest», «Атамекен» палатасы, қала әкімдігі мен құқық қорғау органдарының өкілдері кіреді.
Өткен жылдың қорытындысы бойынша инвестициялардың жалпы көлемі 500 млрд. теңгеге жуық 94 инвестордың құқықтары қорғалды.
Алайда, инвесторлар алдында тұрған мемлекеттік органдар тарапынан әлі де көптеген кедергілер фактілері бар. Алматы қаласы прокуратурасының назарында бүгінгі таңда жалпы құны 1,5 трлн.теңгеден асатын 120 астам инвестициялық жоба бар.
«Ағымдағы жылдың қаңтар айынан бастап заңнамада өңірлік және жалпыұлттық пулдарға кірген инвесторларға қатысты шешімдерді міндетті түрде прокурормен келісу көзделген. Бұл тексерулерге, әкімшілік құқық бұзушылық туралы істерді қозғауға, қызметті уақытша тоқтатуға, тыйым салу және шектеу шараларын қолдануға, сотқа талап қоюға, лицензияларды қайтарып алуға және басқа да әрекеттерге қатысты. Біз бұл жаңашылдықтың елдегі бизнес-климатқа оң әсер ететініне сенімдіміз», - деді Алматы қаласы прокуратурасының қоғамдық мүдделерді қорғау басқармасының бастығы Данияр Ысқақов.
Инвесторлар үшін «ашық есік күні» Алматы қаласының «Атамекен» ӨКП қолдауымен өтті. Палата директоры Шыңғысхан Маманов кәсіпкерлер калатасы Алматыда әлеуетті серіктестерді іздеу, жобаларды сүйемелдеу және B2B және B2G кездесулер мен бизнес-форумдарды ұйымдастыру бойынша бастамаларды барынша қолдауға және инвесторлар мен кәсіпкерлерге толық мөлшерде қызмет көрсетуге әрқашан дайын екенін атап өтті.
.jpg)
«Біз қаржылық және қаржылық емес қолдау шараларын қамтитын кешенді қолдауы бар инвестициялық жобаларды жеке сүйемелдеу форматын ұстанамыз. Біз жобаны қалыптастыру, құжаттарды жинау, мемлекеттік органдармен проблемалық мәселелер бойынша келіссөздер ұйымдастыру процесіне жәрдемдесуге және инвестициялық жобалардың әкімшілік кедергілерін жоюға жәрдемдесуге дайынбыз», - деп атап өтті Маманов.
Кездесуге инвесторлар мен мемлекеттік органдардың өкілдері арнайы шақырылды. Оларға бар проблемаларды айтуға және оларды шешуде қабылданып жатқан шаралар бойынша жауап алуға мүмкіндік туды.
.jpg)
Қала прокуроры Серік Кәріпбеков прокуратура инвесторлар мен кәсіпкерлерге әрқашан ашық екенін, «жедел желі», сенім телефондары бойынша, сондай-ақ жедел әрекет ету үшін мобильді топқа дереу ақпарат жіберетін арнайы QR коды бойынша да түскен өтініштерді қабылдайтынын тағы бір атап өтті.
Пікір қалдыру:
Пікірлер: