Шахтер күні: «Атамекен» ҰКП құрметі мен қолдауы
Шахтер күні қарсаңында «Атамекен» Ұлттық кәсіпкерлер палатасында салтанатты іс-шара өтті. Шара барысында Басқарма төрағасының орынбасары Гүлнар Бижанова көмір өнеркәсібі мамандарын кәсіби мерекелерімен құттықтады.
Құттықтаулар мен алғыс сөздері тек шахтерлерге ғана емес, сонымен қатар өндірістік үдерістерді барлық деңгейде сүйемелдейтін мамандар мен менеджерлерге де арналды. Олардың үйлестірушілік және ұйымдастырушылық қызметі саланың тұрақты жұмыс істеуінің маңызды бөлігі екендігі баса айтылды.
Өз сөзінде Г. Бижанова өндірістік тізбектегі барлық қатысушылардың ел экономикасын дамытуға қосқан үлесінің маңыздылығына тоқталды.
«Сіздердің жанқиярлық еңбектеріңіз, жоғары кәсібиліктеріңіз және іске деген адалдықтарыңыз көмір өнеркәсібінің одан әрі дамуына және тау-кен металлургия кешенінің әлеуетін нығайтуға берік негіз болып табылады», – деді ол.
Бұл құттықтаудың маңыздылығы 2025 жылдың елімізде Жұмысшы мамандықтар жылы болып жариялануымен арта түсті. Осыған байланысты өндірістің бастауында тұрған және күрделі өнеркәсіптік жүйелердің үздіксіз жұмысын қамтамасыз ететін мамандарға ерекше көңіл бөлінуде.
Мемлекет сала қызметкерлерін қолдауды басым бағыттардың бірі ретінде қарастырады. Негізгі назар – еңбек қауіпсіздігі, өндірістегі қауіпсіз жағдайларды жасау, жұмысшы мамандықтардың беделін арттыру және әлеуметтік қорғауды күшейту.
Іс-шара соңында энергетикалық және өнеркәсіптік тұрақтылығын қамтамасыз етіп отырған азаматтарға деген алғыс пен құрмет көрсетілді.
«Атамекен» ҰКП сектордың тұрақты дамуына бағытталған бастамаларды ілгерілетіп, жан-жақты қолдау көрсетуді әрі қарай жалғастырады.
Пікір қалдыру:
Пікірлер: