2025 жылдың 5 желтоқсанында Астанада ҚР Президентінің «Алтын сапа» сыйлығы және «Парыз» сыйлығының лауреаттарын марапаттау бойынша салтанатты рәсім өтті.

«Атамекен» Ұлттық кәсіпкерлер палатасы ұйымдастыруымен өткізілетін «Алтын сапа» сыйлығы сапаның басты ұлттық өлшемі болып қалуда. 2025 жылы бұл байқау жаңартылған форматта өтті: идеологиясы өзгертіліп, бағалау және іріктеу критерийлері күшейтілді, сондай-ақ сыйға тартылатын мүсіншелердің дизайны да жаңартылды. Сыйлық компаниялардағы бизнес-процестерді дамыту мен жетілдірудің маңызды құралы болып қала береді.

Іс-шара қазақстандық бизнес жетістіктерінің көрмесін тамашалаудан басталды. Экспозицияны Қазақстан Президенті Қасым-Жомарт Тоқаев аралап көрді. Мемлекет басшысын «Атамекен» ҰКП Төралқасының Төрағасы Райымбек Баталов қарсы алып, Президентке Палатаның түбегейлі жаңғыру барысы жайында баяндады.

«Палата трансформациясын біз ең маңызды бағыт – өңірлерді, аудандар мен шағын қалаларды күшейтуден бастадық. Өңірлердің сұранысы бойынша 10 мың мықты ШОБ көшбасшысын біріктірген салалық кеңестер құрылды. Қазірдің өзінде 160 мың кәсіпкер «Таза Қазақстан» бастамасына қосылды. Олар нағыз Адал Азамат–Адал бизнес, жергілікті жерде Сіздің бағытыңызды қолдайтын және ең дәл әрі пісіп-жетілген қоғамдық сұраныстарды қалыптастырып отырған нағыз азаматтар».

 Жаңартылған модель «еститін мемлекет» қағидатына негізделген – мұнда негізгі шешімдер бизнестің кең ауқымды сараптамасының арқасында төменнен жоғары қарай қалыптасады. Ел бойынша 10 мыңнан аса кәсіпкерді біріктіретін 347 салалық кеңес құрылды. Олар салалық басымдықтарды айқындауға, даму жолындағы нақты кедергілерді анықтауға және практикалық шешімдер әзірлеуге тікелей атсалысады. Осындай кері байланыстың күшеюі бизнестің Палата институтына деген сенімін арттырды: 2025 жылы мүшелік жарналар 48% өсіп, жаңа жүйенің тиімділігін дәлелдеді.

«Атамекен» институционалдық жаңғыртумен бірге бизнесті қолдаудың жаңа цифрлық архитектурасын ұсынды. Экожүйе мемлекеттік және бизнес-қызметтерді біріктіретін eGov Business маркетплейсін және Кәсіпкерлік субъектілерінің бірыңғай тізілімін, сондай-ақ түрлі жобалар, инвестициялар мен салалық басымдықтар туралы деректерді шоғырландыратын «Бизнестің цифрлық картасы» порталын біріктіреді.

«Бизнестің цифрлық картасы көрсетілген барлық басымды бағыттар бойынша бірыңғай әрі шынайы көріністі қалыптастырады. Мемлекеттік органдар мен бизнес, бәріміз біртұтас жүйеде үйлесімді жұмыс істесек, экономикалық дамудың алға қойылған мақсаттарына қол жеткізу бек мүмкін», – деп атап өтті «Атамекен» ҰКП Төралқасының Төрағасы.

Atameken AI интеграциясы кәсіпкерге мемлекеттік құрылымдармен әрекеттесудің әр қадамында бағыт-бағдар беріп, қолдау шараларын табуға және процестерді оңтайландыруға мүмкіндік береді. Бұл цифрлық құралдар бірыңғай басқарылатын тетік жасай отырып, бизнес пен мемлекет арасындағы өзара іс-қимылдың ашық әрі болжамды ортасын қалыптастырады.

Көрмеде локализация мен инновацияны дамытып жүрген кәсіпорындар таныстырылды. Экспозиция мемлекет пен бизнестің бірлескен жұмысы бәсекеге қабілетті, инновациялық және экспортқа бағытталған экономиканы қалай қалыптастыратынын көрсетті. Көрмеге қатысушылар қатарында:

- «Бал Текстиль» – ковролин жібінен бастап дайын кілемге дейінгі толық өндірісті ел ішінде жүзеге асырып, өнімін көрші елдерге экспорттайды;

- Dolce – Alatau Innovation Health Park медициналық кластерін құрып, шикізаттан бастап дайын өнімге дейінгі толық өндірістік циклді іске асырады;

- «Ер-Тай» компаниясы – мыс өңдеудің толық циклін цифрлық бақылаумен қамтамасыз етеді;

- «Қазэлектромаш» – экономиканың негізгі салаларына арналған кабельдерді 70% отандық шикізаттан өндіреді.

Бұл кәсіпорындар салалық дамудың тиімді моделін тек бизнес-қауымдастықтың белсенді атсалысуы және қосылған құн тізбегін құру бойынша жүйелі жұмыстың нәтижесінде ғана жүзеге асыруға болатынын анық көрсетті.

Салтанатты рәсімнің негізгі оқиғасы – Қазақстан Республикасының Президентінің кәсіпкерлер қауымдастығы алдында сөйлеген сөзі болды. Қасым-Жомарт Кемелұлы халықаралық кеңістікте күрделі жағдай орын алып жатқан уақыттағы бизнестің ерекше рөлін атап өтті. Ол геоэкономикалық тұрақсыздық аясында қазақстандық кәсіпкерлердің басты қасиеттері – олардың жасампаздығы, отаншылдығы және елдің болашағына деген сенімі айрықша көрінетінін айтты. Дәл осы қасиеттердің арқасында сапалы қызмет көрсету мен сапалы өнім өндіру Қазақстанның өркендеуіне нақты үлес қосып, экономиканың бәсекеге қабілеттілігінің айқын көрсеткіші бола алады.

Мемлекет басшысы өзінің бизнеске деген көзқарасын ерекше атап өтті:

«Ел Президенті ретінде кәсіпкерлерге, ұлттық буржуазиямызға, соның ішінде, ең алдымен, осы залда отырған бизнес қоғамдастықтың өкілдеріне шынайы құрметпен қараймын», – деді ол.

Президент отандық кәсіпкерлердің қабілетіне, іскерлік және адамгершілік қасиеттеріне сенетінін атап өтіп, оларды «Қазақстанның нағыз патриоттары» деп атады. Өйткені, олар күнделікті еңбегімен мемлекеттің экономикалық әлеуетін нығайтып отыр.

«Сіздер мемлекетіміздің игілігі, экономикалық әлеуеті үшін табанды еңбек етіп келе жатырсыздар. Сіздер жетістікке жетуден шабыт алатын, өзгелерге үлгі болатын азаматсыздар. Әр қадамдарыңыз сәтті болатынына сенімдімін», – деп қосты Мемлекет басшысы.

Президент Қазақстан жасанды интеллект дәуірінің мүмкіндіктерін барынша пайдалануға тиіс екенін атап өтіп, ел экономикасын 2029 жылға қарай 450 млрд АҚШ долларына жеткізу секілді биік мақсаттар қойылғанын айтты.

Мемлекет басшысы креативті индустриялардың даму мүмкіндіктері аса жоғары екенін баса айтты. Ол халықаралық қаржы институттарының деректеріне сүйене отырып, бұл сегмент әлем бойынша 2 трлн доллардан астам кіріс әкелетінін және 50 млн-нан аса жұмыс орнын ашуға мүмкіндік беретінін атап өтті.

«Сарапшылардың бағалауынша, креативті индустрияға салынған әр доллар қосылған құнның 2,5 долларын құрайды», – деді Президент.

Ол АҚШ, Ұлыбритания және Корея Республикасы сияқты дамыған елдерде креативті индустриялар ЖІӨ-нің 2-7% үлесін қалыптастыратынын атап өтті. Сонымен бірге, Қазақстанда айтарлықтай өсу әлеуетіне қарамастан, бұл сектордың үлесі ЖІӨ-нің 2,5%-нан тек 1%-ын ғана құрайтынын айтты.

Өмірлік құндылықтар жайында сөз қозғай отырып, Президент ежелден бері қандай да бір істе болсын, пессимизмге бой алдыратын, әрекетсіз, құлықсыз, іші тар адамдардың жетістікке жетпейтінін еске салды.

Сөзін қорытындылай, Қ.К. Тоқаев шығыстың: «Ең қиын жағдайдың өзінде үлкен мүмкіндіктер жасырынып жатады» деген нақылын келтіріп, кәсіпкерлерге күйзеліске берілмей, керісінше, жетістікке жететін жол іздеу керектігін айтты.

Ұлттық сыйлықтарды табыстау рәсімі отандық бизнестің жетістіктерін айшықтай түсіп, әрбір марапат кәсіпкерлік дамудың әр саласын бейнеледі.

«Парыз» сыйлығы дәстүрлі түрде корпоративтік әлеуметтік жауапкершіліктің үздік тәжірибелерін айқындайды. Биыл жұмысшы мамандықтарды қолдауға және «Атамекеннің» Еңбек және халықты әлеуметтік қорғау министрлігімен бірлесіп іске асыратын әлеуметтік бастамаларына ерекше назар аударылды. Бас жүлде – «Парыз» премиясының Гран-приін Қазақстан Республикасының Президенті табыстады. Бұдан бөлек, тағы 20 компания марапат алды.

Биыл «Алтын сапа» сыйлығы сапаның басты ұлттық өлшемі мәртебесін тағы бір мәрте дәлелдеді. Байқауға 222 компания қатысып, оның 40-ы финалға өтті, ал 14 кәсіпорын – өндірістік компаниялардан бастап индустриялық және инновациялық жобаларға дейін түрлі санаттар бойынша лауреат атанды. Іріктеудің барлық кезеңдері, соның ішінде кәсіпорындарға барып бағалау «Атамекен» ҰКП-ның тікелей қатысуымен өтті, бұл аталмыш сыйлықтың ашықтығын әрі маңызын күшейте түседі.

Сондай-ақ, марапаттау рәсіміне Премьер-Министр Олжас Бектенов, Премьер-Министрдің бірінші орынбасары Роман Скляр, Премьер-Министрдің орынбасары - Ұлттық экономика министрі Серік Жұманғарин, Премьер-Министрдің орынбасары – Мәдениет және ақпарат министрі Аида Балаева және «Атамекен» ҰКП Төралқа Төрағасы Райымбек Баталов қатысты.

Бұл жолы тұрақты әлеуметтік тәжірибелерін және белсенді азаматтық ұстанымын көрсететін кәсіпорындарға берілетін «Адал азамат» наградасына ерекше назар аударылды. Жеті лауреат «Атамекеннің» жаңа идеологиялық негізіне енгізілген құндылықтарға берілгендігін растады.

Сондай-ақ, шара аясында «Атамекен» ҰКП отандық өндірісті ілгерілетудің негізгі құралы ретінде өткізетін «Қазақстанның үздік тауары» байқауының қорытындысы шығарылды. Өндірістік, тұтыну және азық-түлік тауарларын ұсынатын тоғыз кәсіпорын диплом алды. Конкурс сапа стандарттарын арттырады, ұлттық өндірістің позициясын күшейтеді және сыртқы нарықтарға шығу үшін жаңа мүмкіндіктер ашады.

Салтанат пен көрме ұлттық бизнестің әлеуетін, оның трансформацияға дайындығын және Қазақстанның даму мен бәсекеге қабілеттіліктің жаңа стандарттарына көшуін көрсетті.

2025 жылы «Алтын сапа» сыйлығының келесі лауреаттары анықталды:

Үздік индустриялық жоба: «Karlskrona LC AB» ЖШС (Шымкент), сорғы және электротехникалық жабдық шығарады.

Үздік инновациялық жоба: «AG TECH» ЖШС (Астана), өндіріс үшін Автоматтандыру және БҚ жүйелері.

Өндірістік мақсаттағы үздік кәсіпорын:

 Ірі бизнес: «Силумин-Восток» ЖШС (ШҚО), цифрлық инфрақұрылым және локализацияланған жабдық

Орта бизнес: «KSC-PLAST» ЖШС (Алматы), пластмасса бұйымдары және медициналық жиһаз

Шағын бизнес: «OSS Kazakhstan» ЖШС (Маңғыстау облысы), мұнай жабдығы

Халық үшін тауар шығаратын үздік кәсіпорын:

Ірі бизнес: «Абди Ибрахим Глобал Фарм» ЖШС (Алматы облысы), фармацевтика

Орта бизнес: «Азурит» ЖШС (Қостанай облысы), Арнайы киім, мектеп формасы, ортопедиялық бұйымдар

Шағын бизнес: «SAGITEX GROUP» ЖШС (Шымкент), трикотаж

Қызмет көрсететін үздік кәсіпорын:

Ірі бизнес: «Марал-Нұр» ЖШС (Қызылорда облысы), жолаушылар темір жол тасымалы

Орта бизнес: «Astana Hotel Project – Holiday Inn Express Astana Turan» ЖШС (Астана), қонақ үй қызметтері

Шағын бизнес: «Зару» ШҚ (Ақтөбе облысы), санаторий-курорттық қызметтер

Азық-түлік тауарлары мен ауыл шаруашылығы өнімдерін шығаратын үздік кәсіпорын:

Ірі бизнес: «Эмиль» ЖШС (ШҚО), сүт өнімдері

Орта бизнес: «Әулие-Ата Феникс» ЖШС (Жамбыл облысы), құс фабрикасы

Шағын бизнес: «MG» ШҚ (Алматы облысы), Тұщы су балық шаруашылығы

Бұл шара бизнестің технологиядағы, инновациядағы және өндірісті оқшаулаудағы жетістіктерін көрсетті.

«Парыз» сыйлығы жұмысшы мамандықтардың корпоративтік және әлеуметтік мүдделерін қорғау және қолдау саласындағы озық тәжірибелерді насихаттайды.

2025 жылдың лауреаттары:

1 орын (алтын)

«Камышинское» ШҚ- «Әлеуметтік жауапкершілігі үздік кәсіпорын»

«ДСК GLB» ЖШС Еңбекті қорғау саласындағы үздік кәсіпорын

«МехЛитКом» ЖШС Үздік ұжымдық шарт

«Lucrum star» «Экологияға» қосқан үлесі үшін

2 орын (күміс)

Шағын және орта бизнес: «Сарыағаш-құс» ЖШС, «Vosco» ЖШС, «Қос ағаш» ЖШС, «Саи-Центр» ҚҚ

Ірі бизнес: «Dala Construction.KZ» ЖШС, «Алюминий Қазақстан» АҚ, «Алматинский завод мостовых конструкций» ЖШС, «ЕвроКристалл» ЖШС

3 орын (қола)

Шағын және орта бизнес: «Гормолзавод» ЖШС, «Айбат» ЖШС, «Жүрек» ЖШС, «Рапид» ЖШС

Ірі бизнес: «Восток Бройлер» ЖШС, «MODEX ASTANA» ЖШС, «GH Processing» ЖШС, «Өскемен ЖЭС» ЖШС

«Адал азамат» - бизнестегі адалдық, жауапкершілік және әлеуметтік жетілу мәдениетін қалыптастыратын жаңа негіз. Лауреаттар ашық басқару мен әлеуметтік маңызы бар жобаларға берілгендіктерін көрсетеді:

«Орал Таза Сервис» ЖШС, «Бұқтырма уылдырық шашу-өсіру шаруашылығы» ЖШС, «Төлеген санаториясы» ЖШС, «Qaz Granit» ЖШС, «Идеал Түркістан» ЖШС,  «Ақбөбек оңалту орталығы» ЖШС, «Eco Madeniet» ЖШС.

«Қазақстанның үздік тауарын» «Атамекен» ҰКП ұйымдастырып, отандық өндірістің дамуын ынталандырады, кәсіпкерлердің сапа стандарттары мен бәсекеге қабілеттілігін арттырады.

Лауреттары:

Үздік өндірістік тауарлар

Ірі бизнес: «Азияфильтр» ЖШС (өнідірістік фильтр, Ақмола облысы)

Орта бизнес: «АгромашХолдинг KZ» АҚ (тракторлар мен комбайндар, Қостанай облысы)

Шағын бизнес: «Жаңа технологиялар – Тараз» ЖШС, (турникеттер, Жамбыл облысы)

Халық үшін ең жақсы тауарлар

Ірі бизнес: «PAPIRONE» ЖШС (тұрмыстық қағаз өнімдері, Алматы)

Орта бизнес: «Sem Brand» ЖК (жұмсақ жиһаз, Түркістан облысы)

Шағын бизнес: «WEC Trade» ЖШС (жуғыш заттар, Қарағанды облысы)

Үздік азық-түлік тауарлары

Ірі бизнес: «Асыл дән LTD» ЖШС (күріш, Қызылорда облысы), «Бижан» ет өңдеу кешені ЖШС (ет өнімдері, Ақмола облысы)

Шағын бизнес: «Айсберг ПВ» ЖШС (азық-түлік жартылай фабрикаттары, Павлодар облысы)

Конкурс өнімнің жоғары стандартын растайды және өткізу нарықтарының өсуі мен кеңеюі үшін жаңа мүмкіндіктер ашады.

Салтанатты рәсімнің қорытындылары, сондай-ақ Президентке ұсынылған «Атамекен» ҰКП трансформациялау және цифрландыру нәтижелері Палата құндылықтарды, сараптаманы, цифрлық шешімдер мен салалық талдауды бірыңғай жүйеге біріктіретін кәсіпкерлікті дамытудың заманауи институтына айналғанын растады. Бұл адал және жауапты даму мәдениетін қалыптастырады, технологиялық өсуді қамтамасыз етеді және ұлттық өндірушілерді қолдайды.

Президенттің «Алтын сапа» сыйлығы биыл ерекше маңызға ие болды. Ол жақсы нәтижелерге қол жеткізген кәсіпорындарды атап қана қоймай, сонымен қатар, елдің сапаға, инновацияға және бәсекеге қабілеттілікті арттыруға бағытталған стратегиялық бағытын көрсетеді.