Біз туралы
Қаз
Қазақстан бойынша тегін:
1432 | 8-800-080-80-10
Whatsapp: +7 778 870 1432

Хабарландыру

Қазақстан Республикасы Ақпарат және қоғамдық даму министрлігі «Тәуелсіздік ұрпақтары» грантын тағайындау жөніндегі конкурстың басталғаны туралы хабарлайды.

Тәуелсіздіктің 30 жылдығын мерекелеу аясында ағымдағы жылы әрбір грантқа 3 млн.теңге сомасында 30 грант берілетін болаты болады.

Грант берудің мақсаты белсенді шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларын мемлекеттік қолдау болып табылады.

Конкурстық өтінімдерді қабылдау аяқталған кезде жасы 14 кем емес және 29 аспайтын, конкурсқа қатысуға конкурстық өтінім берген Қазақстан Республикасының азаматы үміткер бола алады.

Гранттар Қазақстан Республикасының азаматына жаңа идеялар мен бастамаларды іске асыру үшін конкурстық негізде мынадай бағыттар бойынша беріледі:

«Ғылым» – ғылымның басым секторларында жаңа ғылыми жобаларды және зерттеулерді іске асыруға арналған;

«Мәдениет» – Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобаларды іске асыруға арналған;

«Ақпараттық технологиялар» – жаңа IT шешімдер мен жобаларды, оның ішінде жаңадан басталған стартап жобаларды іске асыруға және әзірлеуге арналған;

«Бизнес» – экономиканың басым секторларында жаңа бизнес-идеяларды іске асыруға арналған;

«Медиа» – жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыруға арналған.

Үміткерлердің конкурстық өтінімдері (қағаз нұсқада) ағымдағы жылғы 20 қыркүйекке дейін мына мекенжай бойынша қабылданады: Нұр-Сұлтан қаласы, Мәңгілік Ел даңғылы, 8, «Министрліктер Үйі» Әкімшілік ғимараты (14-кіреберіс), 8 7172 74-05-25, (87058223333), (электрондық нұсқасы) generation.kaz@gmail.com

Конкурстық өтінімдер мемлекеттік және (немесе) орыс тілдерінде қабылданады және:

1) нысан бойынша жобаның сипаттамасы;

2) жобаның бейне-таныстырылымы (60 секундтан аспайды);

3) шығыстар сметасының жобасы;

4) зияткерлік меншік туралы мәліметтер (бар болса) қамтылуға тиіс.

Толығырақ ақпарат («Тәуелсіздік ұрпақтары» грантын беру қағидалары және т.б.) Қазақстан Республикасы Ақпарат және қоғамдық даму министрлігінің ресми сайтында қолжетімді (qogam.gov.kz) «Жастар саясаты» бөлімінде.

Қаулысы

3-қосымша

2-қосымша

«Тәуелсіздік ұрпақтары» грантын беру қағидалары

Афиша

 

 

Құрметті кәсіпкерлер!

Міне, бір жарым жылға жуық уақыт бойы біз коронавирус пандемиясымен күрес жағдайында өмір сүріп жатырмыз.

Пандемия елімізде ғана емес, бүкіл әлемдегі кәсіпкерліктің   жағдайына кері әсер етті.

Осы уақыт аралығында күні бүгінге дейін «Атамекен» ұлттық кәсіпкерлер палатасы отандық кәсіпкерлердің мұң-мұқтажын, талап-тілегін ел басшылығына шұғыл түрде жеткізіп келеді.

«Атамекен» отандық бизнес пен жұмыс орындарын сақтау бойынша шешімдер ұсына отырып, Үкіметпен тығыз жұмыс істеуде.  

Соңғы жыл ішінде біз жедел ден қою шараларын пысықтау бойынша кәсіпкерлер арасында екі ауқымды сауалнама жүргіздік, оған 60 мыңнан астам кәсіпкер қатысты.

Кәсіпкерлердің белсенді атсалысуының арқасында салық жеңілдіктерін, несие төлемдерін кейінге шегеруді, жаңа несиелендіру құралдарын және т.б. қоса алғанда, қолдау шараларының 4 пакеті қабылданды. Осындай шаралар бизнесті  қалыпта ұстап, мыңдаған жұмыс орнын сақтап қалуға мүмкіндік берді.

Бұл ретте, отандық бизнеске жаңа жағдайда бұдан әрі қалай даму қажеттігі жайында ойланатын кез келді. Келтірілген залалдарды нақты бағалап, ел басшылығына кәсіпкерлікті дамытудың жаңа құралдарын ұсыну қажет.

Осыған байланысты «Атамекен» бизнестің қазіргі ахуалын, пандемия салдарынан мәжбүрлі өзгерістерді жақсы түсініп, алдағы дамуға бастайтын, қолдау шараларын пысықтауға көмектесетін жаңа сауалнаманы іске қоспақ.

Сауалнамаға сілтеме: https://docs.google.com/forms/d/e/1FAIpQLSfE2coxObOv8MVa-pWsxR9aeTxJNBDUzmNoaP-bzkfK9iat_g/viewform?usp=sf_link

Қадірлі достар!

Біз үшін әр кәсіпкердің пікірі маңызды. Қорыта келгенде, сауалнама нәтижелері ел басшылығы мен Үкіметке толық көлемде жеткізіледі.

«Атамекен» бизнес-қоғамдастықтың пікірі еленіп қана қоймай, нақты іске асырылуы үшін барын салуға дайын екенін айтқымыз келеді. 

Біз біргеміз!

Баршаңызға рахмет!

 

«Атамекен» Қазақстан Республикасының Ұлттық кәсіпкерлер палатасы (бұдан әрі – ҰКП) ҰКП Төралқасы Съезд шақыру туралы шешім қабылдағанын хабарлайды.

ҰКП Съезі 2021 жылы 23 қыркүйекте сағат 15.00-де өтеді.

Съезді өткізу түрі: бейне-конференцбайланыс (zoom) пен онлайн дауыс беру жүйесін қолдана отырып, онлайн түрінде.

Онлайн өтетін Съезге қатысуға арналған сілтемелер толық нұсқаулықпен қоса, Съезд қатысушыларының электрондық пошталарына жолданатын болады.

Съезд қатысушыларын бейне-конференцбайланыста жəне онлайн дауыс беру жүйесінде тіркеу (авторизациялау) 2021 жылғы 23 қыркүйекте сағат 13.00-де басталып, 2021 жылғы 23 қыркүйекте сағат 15.00-де аяқталады.

Күн тəртібі:

1. ҰКП-ның кейбір ішкі құжаттарына өзгерістер енгізу және оларды бекіту туралы;

2. ҰКП басқару органдарының кейбір мәселелері бойынша;

3. ҰКП Ревизиялық комиссиясының жылдық есебін бекіту туралы;

4. Бұқаралық ақпарат құралдарында жариялануға жататын ҰКП қызметінің қорытындылары туралы жыл сайынғы есепті бекіту туралы;

5. Міндетті мүшелік жарналарды төлеудің кейбір мәселелері туралы;

6. Басқа да мəселелер.

Күн тəртібіндегі мəселелер бойынша материалдар Съезд қатысушыларының атына электрондық байланыс арқылы Съезд өткізілетін күнге дейін қосымша жолданатын болады.

Анықтама телефондары: +7 (7172) 91-93-00, 1432

Қазақстан Республикасының Еңбек және халықты әлеуметтік қорғау министрлігі, Қазақстан Республикасының Экология, геология және табиғи ресурстар министрлігі, Қазақстан Республикасының Ұлттық кәсіпкерлер палатасы және Қазақстан Республикасының Кәсіподақтар федерациясымен бірлесіп, Қазақстан Республикасы Президентінің 2008 жылғы 23 қаңтардағы № 523 Жарлығына сәйкес Бизнестің әлеуметтік жауапкершілігі жөніндегі «Парыз» конкурсын (бұдан әрі – Конкурс) өткізеді.

Конкурс халықтың әл – ауқатын одан әрі жақсарту үшін жеке кәсіпкерлік субъектілерінің қоғам алдындағы өзінің корпоративтік әлеуметтік жауапкершілігін қалыптастыруға және арттыруға бағытталған және жыл сайын екі кезеңде – өңірлік және республикалық деңгейлерде өткізіледі.

Конкурс төрт номинациядан тұрады: «Үздік әлеуметтік жауапты кәсіпорын», «Еңбекті қорғау саласындағы үздік кәсіпорын», «Үздік ұжымдық шарт», «Экологияға қосқан үлесі үшін», сондай-ақ «Жылдың үздік әлеуметтік жобасы» арнайы сыйлығы.

Конкурс лауреаты атағына үміткерлер материалдарды облыстардың, республикалық маңызы бар қалалардың және астананың жергілікті атқарушы органдарына қағаз және электрондық жеткізгіштерде 2021 жылғы 1 шілдеден кешіктірмей ұсынуы қажет.

Конкурсқа қатысу тегін болып табылады.

Конкурс лауреаттарына тиісті диплом, эмблема және айрықшалық белгісі (мүсінше) беріледі.

Конкурс лауреаттарын марапаттау рәсімі жыл сайын Мемлекет басшысының қатысуымен салтанатты түрде өткізіледі.

Конкурстың негізгі мақсаты жеке кәсіпкерлік субъектілерін өз қызметкерлері үшін де, жалпы қоғам үшін де әлеуметтік мәселелерді шешуге ынталандыру болып табылады.

Айта кету керек, көптеген кәсіпорындар коронавирустық инфекцияның әлемдік пандемиясымен байланысты елдегі күрделі экономикалық жағдайға қарамастан, өз қызметкерлеріне де, жалпы ел халқына да көмек көрсете отырып, өздерінің әлеуметтік жауапкершілігін белсенді түрде көрсетуде.

Осыған байланысты, Қазақстан Республикасы Еңбек және халықты әлеуметтік қорғау министрлігі еліміздің барлық кәсіпкерлерін конкурсқа қатысуға шақырады.

Конкурс туралы толық ақпарат алу үшін Қазақстан Республикасы Еңбек және халықты әлеуметтік қорғау министрлігінің Әлеуметтік әріптестік басқармасына 8 (7172) 74-35-11 телефоны бойынша хабарласуларыңызды сұраймыз.

«Атамекен» Ұлттық кәсіпкерлер палатасы «Ұлы дала елі» ортақ брендін пайдалану құқығын иелену байқауына өтінім қабылдау басталғанын хабарлайды

Байқаудың негізгі мақсаты – отандық компанияны ынталандыру және экспортқа шығаруда сапасы жоғары өнімдерді «Ұлы дала елі» ортақ брендімен таныстыру, шетелдегі танымалдылығын арттыру.

«Ұлы дала елі» ортақ бренді Қазақстанның брендін халықаралық нарыққа шығарып отырған отандық үздік тауар өндірушілерге табысталады.

Байқауға қатысушылар келесі критерийлерге сай болулары қажет:

  • Экспорт көлемінің үлесі өнімнің бір түрінің жалпы өндірісі көлемінен 10%-дан кем емес;
  • Тауар өндіру, қызмет көрсетуде жергілікті қамту үлесі (кемінде 30%);
  • Халықаралық бизнес-қоғамдастықтарға мүше болу;
  • Лицензия, рұқсат, патенттердің болуы;
  • Халықаралық марапатар, дипломдардың болуы;
  • Бизнестің әлеуметтік жауапкершілігі бойынша (бизнесті жауапты жүргізу) қаржылай емес есептілікті жариялау тәжірибесінің болуы;
  • Сауда маркасының танымалдылығы, берілген портфолио бойынша комипанияның жағымды имджінің қалыптасуы (мақұлданады).

Байқауға жеке кәсіпкерлік субъектілері қатыса алады, оған қойылатын талап:

  • Нарықта кемінде 3 жыл қызмет атқаруы керек;
  • Таратылу кезеңінде емес, банкрот деп танылмаған;
  • Өтінімде дұрыс мәліметтерді көрсеткен;
  • Комиссияға кәсіпорынмен танысуға мүмкіншілік жасау (кәсіпорынның қаражаты есебінен).

Байқаудың өткізілу тәртібі:

  • Байқауға қатысуға ынталы компаниялар 2021 жылдың 1 қыркүйегіне дейін Ережеге сай рәсімделген өтінім мен материалды (сканерленген) info@ulydalaeli.kz электронды почтасына жолдаулары керек;
  • Комиссия Байқауға қатысушылардың өтінімдерін қарайды және жапы өтінім ішінен 12 үміткерді іріктеп алады;
  • Комиссия бірнеше топқа бөлініп, өтінімде берілген ақпараттың растылығын тексеру үшін кәсіпорындарды аралайды (олардың есебінен);
  • Комиссия зерттеу нәтижесі бойынша іріктеудің келесі кезеңіне өткен 6 үміткерді анықтайды;
  • 6 үміткердің тізімі онлайн-дауыс беру үшін «Атамекен» интернет-ресурсында жарияланады;
  • Ең көп дауыс жинаған компаниялар (үштен көп емес) «Ұлы дала елі» ортақ брендін пайдалану құқығына ие болады;
  • Байқау лауреаттарына «Ұлы дала елі» ортақ брендінің эмблемасы мен диплом салтанатты түрде табысталады;
  • «Ұлы дала елі» ортақ бренді жарнамалық мақсатты қолданылу құқығы 5 жылға беріледі.

«Ұлы дала елі» байқауы туралы Ереже бойынша нақты ақпаратпен www.ulydalaeli.kz сайтынан танысуға болады.

Байқауға қатысуға қатысты сауалдармен келесі телефон нөмірлеріне хабарласа аласыздар: 8(7172) 919-300 (ішкі нөмір 1838); 8 (7172) 919-344.

«Атамекен» Қазақстан Республикасының Ұлттық кәсіпкерлер палатасы Қазақстан Республикасы Президентінің «Алтын сапа» сыйлығын алуға арналған байқауды ұйымдастырушы ретінде 2021 жылғы 29 сәуірінде, 13 және 27 мамырында, 3,10, 17, және 24 маусымында сағат 14.30-ден 17.30-ға дейін «Алтын сапа» байқауының әлеуетті қатысушылары үшін вебинар өткізеді.

www.altynsapa.kz сайтында «Оқыту семинарлары» бөлімінде байқаулар бойынша бейне дәрістер орналастырылды. Байқауға қатысуға ниет білдірушілерге барлық бейне дәрістерді қарап, вебинарға қатысуды ұсынамыз.

Бейне дәрістер Қазақстан Республикасы Үкіметінің 2009 жылғы 31 шілдедегі № 1167 қаулысымен бекітілген Қазақстан Республикасы Президентінің «Алтын сапа» сыйлығын алуға арналған конкурсқа қатысушылардың материалдарын ресімдеу, ұсыну және алдын ала бағалау ережесіне сәйкес жасалған оқыту бағдарламасына сәйкес жазылған.

Бейне дәрістер келесі мәліметтермен таныстыруға бағытталған:

  • «Алтын сапа» байқауының нормативтік құқықтық негізіне;
  • байқауға қатысу үшін өтінім беру;
  • ұйымның өзін-өзі бағалау әдістемесі.

Тыңдаушылар ұйым қызметін модельдеу негіздерімен танысады, өзін-өзі бағалау бойынша есепті әзірлеу үшін қажетті білім мен мысалдар алады. Бейне дәрістер ақпараты тыңдаушыларға ұйымды диагностикалаудың тәсілдерін түсінуге, модельді практикада құрал ретінде нәтижелі қолдануға, үздік компаниялардың тәжірибесін зерделеуге, жақсартуды тәжірибеге енгізуге, сапа саласындағы байқауларға белсенді қатысуға ынталандырады.

Вебинарға altynsapa.kz сайтында өтінім берген «Алтын сапа» конкурсының әлеуетті қатысушылары қатыса алады. Өзіңізге ыңғайлы кез-келген күні бір рет қатыса аласыз.

Вебинарға қатысқысы келетіндерге сілтеме алу керек, оны алу үшін  вебинар басталғанға дейін бірнеше сағат бұрын +7 701 925 14 64 телефон нөміріне WhatsApp-қа «вебинар» сөзін жазыу арқылы және/немесе сіздің өңіріңіздегі ӨКП жауапты тұлғасына хабарласу қажет. Өңірлердегі байқауларға жауапты тұлғалардың байланыстары (осында) жарияланған.

«Атамекен» Қазақстан Республикасының Ұлттық кәсіпкерлер палатасы Қазақстан Республикасы Президентінің «Алтын сапа» сыйлығын алуға арналған байқауды ұйымдастырушы ретінде 2021 жылғы 29 сәуірінде, 13 және 27 мамырында, 3,10, 17, және 24 маусымында сағат 14.30-ден 17.30-ға дейін «Алтын сапа» байқауының әлеуетті қатысушылары үшін вебинар өткізеді.

www.altynsapa.kz сайтында «Оқыту семинарлары» бөлімінде байқаулар бойынша бейне дәрістер орналастырылды. Байқауға қатысуға ниет білдірушілерге барлық бейне дәрістерді қарап, вебинарға қатысуды ұсынамыз.

Бейне дәрістер Қазақстан Республикасы Үкіметінің 2009 жылғы 31 шілдедегі № 1167 қаулысымен бекітілген Қазақстан Республикасы Президентінің «Алтын сапа» сыйлығын алуға арналған конкурсқа қатысушылардың материалдарын ресімдеу, ұсыну және алдын ала бағалау ережесіне сәйкес жасалған оқыту бағдарламасына сәйкес жазылған.

Бейне дәрістер келесі мәліметтермен таныстыруға бағытталған:

  • «Алтын сапа» байқауының нормативтік құқықтық негізіне;
  • байқауға қатысу үшін өтінім беру;
  • ұйымның өзін-өзі бағалау әдістемесі.

Тыңдаушылар ұйым қызметін модельдеу негіздерімен танысады, өзін-өзі бағалау бойынша есепті әзірлеу үшін қажетті білім мен мысалдар алады. Бейне дәрістер ақпараты тыңдаушыларға ұйымды диагностикалаудың тәсілдерін түсінуге, модельді практикада құрал ретінде нәтижелі қолдануға, үздік компаниялардың тәжірибесін зерделеуге, жақсартуды тәжірибеге енгізуге, сапа саласындағы байқауларға белсенді қатысуға ынталандырады.

Вебинарға altynsapa.kz сайтында өтінім берген «Алтын сапа» конкурсының әлеуетті қатысушылары қатыса алады. Өзіңізге ыңғайлы кез-келген күні бір рет қатыса аласыз.

Вебинарға қатысқысы келетіндерге сілтеме алу керек, оны алу үшін  вебинар басталғанға дейін бірнеше сағат бұрын +7 701 925 14 64 телефон нөміріне WhatsApp-қа «вебинар» сөзін жазыу арқылы және/немесе сіздің өңіріңіздегі ӨКП жауапты тұлғасына хабарласу қажет. Өңірлердегі байқауларға жауапты тұлғалардың байланыстары (осында) жарияланған.

2021 жылдың 26 сәуірінен бастап «Бастау Бизнес» жобасы аясында кәсіпкерлік жүргізу негіздеріне арналған оқытудың тегін курстары басталатын болады.

Халықты жұмыспен қамту орталықтарында тіркелген-тіркелмегеніне қарамастан жұмыссыз адамдар, Қазақстан Республикасының Үкіметі айқындайтын жұмыспен қамтылған адамдардың жекелеген санаттары оқыту қатысушылары болып табылады, оның ішінде:

- ауылдық елді мекендерде, қалаларда, оның ішінде моно және кіші қалаларда тұратын адамдар;

- мүгедектер, егер медициналық қорытынды бойынша денсаулығы еңбек міндеттерін орындауға кедергі келтірмесе не олардың денсаулығына және (немесе) басқа адамдардың еңбек қауіпсіздігіне зиян келтірмесе;

- зейнеткерлік жасқа жетпеген елу жастан асқан адамдар;

- сондай-ақ NEET санатындағы жастар;

- табысы аз және/немесе көпбалалы отбасылардың мүшелері;

- ауыл шаруашылығы кооперативтері және олардың «Қазақстан Республикасында зейнетақымен қамсыздандыру туралы» Қазақстан Республикасы Заңының 11-бабының 1-тармағында белгіленген зейнеткерлік жасқа жетпеген мүшелері;

- қоныс аударушылар және оралмандар.

         Оқу мерзімі 21 күннен аспайды. Оқыту қорытындысы бойынша бағдарлама қатысушыларына сертификат беріледі.

Жоба шеңберінде оқыту үшін қатысушылар халықты жұмыспен қамту орталықтарына жеке басын куәландыратын құжаттың көшірмесін қоса бере отырып, оқудан өту туралы өтінішпен жүгінуі тиіс. Халықты жұмыспен қамту орталықтары үміткердің мәртебесін жобаның нысаналы тобына сәйкестігі расталған жағдайда оқуға жолдама береді.

Өтініш беруші https://atameken.co сайтына электрондық-цифрлық қолтаңба (ЭЦҚ) арқылы тіркелу үшін және одан әру оқыту топтарына қабылдану үшін оқуға жолдамамен "Атамекен" ӨКП немесе оның аудандық және қалалық филиалдарына кеңес алуға жүгінеді.

Толық ақпарат алу үшін облысының аудандары мен қалаларындағы кәсіпкерлерге қызмет көрсету орталықтарына хабарласу қажет.

 

«Самұрық-Қазына» корпоративті университеті және «Атамекен» ҚР Ұлттық кәсіпкерлер палатасы Samruk Qyzmet тегін маңсаптық интенсивтің басталуы туралы хабарлайды. 

Бес күн бойы (29 наурыздан бастап 2 сәуірге дейін) маңсапты құру бойынша онлайн-оқыту өтеді, оған әр қазақастандық қатыса алады. 

Жобаға қосылу үшін не істеу керек?
1)  https://lnkd.in/dBQfzie сайтынан тіркеуден өту
2)  «Қатысамын» түймесін басу
3)  «Аты-жөні» және  «e-mail» жолақтарын міндетті түрде дұрыс толтыру
- Барлық ақпарат Qsamruk.kz сайтында сіздің жеке кабинетіңізге және поштаңызға келеді. 
- Маңсаптық интенсив бағдарламасымен мына сілтемеден танысуға болады https://lnkd.in/dei5HFD

Құрметті кәсіпкерлер!

«Атамекен» Ұлттық кәсіпкерлер палатасы  Сізді «Қазақстанның 100 жаңа есімі» жобасына қатысуға шақырады.

Сіз қандай да бір салада белсенділік танытып, мұқтаждарға көмектескен болсаңыз, экологияны жақсарту, табиғатты қорғау және басқа да бағытта еңбек етіп, азаматтық позицияңызды көрсеткен болсаңыз, жобаға қатысуыңызды сұраймыз. 

Басқа кәсіпкерлерге үлгі болып, «Қазақстанның 100 жаңа есімінің» бірі болуға мүмкіндігіңіз мол.

Жобаға қатысу үшін өтінім 2021 жылғы 22 ақпаннан 21 наурызға дейін қабылданады.

Ол үшін 100janaesim.ruh.kz сайтындағы сауалнаманы толтыру керек және осы сайтта жобаға қатысты толық ақпарат бар.

«Атамекен» өңірлiк палаталар арқылы «100 жаңа есім» жобасына қазақстандық кәсіпкерлердің қатысуы үшін ақпараттық қолдау көрсетіп отыр.

Құрметті кәсіпкерлер!

Жобаға қатысып, үздік жүздікке кiруге асығыңыз!

«Қазақстанның 100 жаңа есімі» жобасы – еліміздің кез келген өңірінде тұратын, Тәуелсіздік жылдарында елеулі табысқа қол жеткізген нақты адамдардың тарихы. Жоба алғаш рет 2017 жылы Елбасы Нұрсұлтан Назарбаевтың бастамасымен жүзеге асырылды. Биыл ол ел Тәуелсіздігінің 30 жылдығы аясында өткізіледі, осыған байланысты байқауға Қазақстанның Тәуелсіздік кезеңінде қалыптасқан және белгілі бір биіктерге жеткен жастар қатысуы өте маңызды.

Сонымен қатар, 2020 жылдың басынан бері COVID-19 пандемиясына қарсы күресте көптеген отандасымыз өздерінің кәсіби және азаматтық парызын орындай отырып, жоғары кәсібилік пен өз ісіне адалдығын көрсетті.

Министрлік қазақстандықтар арасында отандастардың еңбегі мен жетістіктерін халыққа танытуды, көрсетуді қамтамасыз ету мақсатында, сонымен қатар, еңбек пен табыстың бірегей тарихы бар азаматтарды, мысалы:

- дәрігерлер - үйге бармай артық жұмыс істей отырып, адамдардың өмірін құтқаруға ат салысқан тұлғалар;

- мұғалімдер - оқытудың жаңа тәсілдерін онлайн және офлайн оқыту форматта бейімдеп қолданғандар;

- кәсіпкерлер, еріктілер, табиғатты қорғау белсенділері - мұқтаж қазақстандықтарға үнемі қолдау көрсетіп, «көмек қозғалысын» өз мысалдары бойынша кеңейткен азаматтар, табиғатты сақтау мен елдің экологиясын жақсартуда белсенді азаматтық ұстанымы бар қазақстандықтар және т.б. ;

- IT мамандары – өмірдің түрлі саласының сандық форматқа жаппай көшуін, бірегей IT шешімдерін әзірлеушілер;

– коронавирустық инфекцияға қарсы қазақстандық вакцинаны зерттеуге және жасауға үлес қосқан ғалымдар және т.б. азаматтарды "Қазақстанның 100 жаңа есімі"  жобасына қатысу үшін үміткер ретінде ұсынуды сұрайды.

Құрметті кәсіпкерлер!

Сіздердің назарларыңызға ҚР Қаржы министрлігі «Қазақстан Республикасы Қаржы министрінің кейбір бұйрықтарына өзгерістер мен толықтырулар енгізу туралы» бұйрық жобасын әзірлегенін ( берілген) хабарлаймыз.

Қаржы министрлігі ұсынған өзгерістер байқау бағалық ұсыныс, сондай-ақ әлеуетті жеткізушінің қаржы тұрақтылығы көрсеткіштеріне әсер ететін критерийлерді қайта қарауға байланысты мемлекеттік сатып алуларды іске асыру ережелеріне қатысты.

Құрметті кәсіпкерлер, жобаны қарап, егер ұсыныстар болса, оларды «Атамекен» ҚР ҰКП Сатып алулар және жергілікті қамту департаментіне мына электронды поштаға жіберуді сұраймыз a.alinova@atameken.kz.

САЛЫСТЫРМА КЕСТЕ

«Атамекен» Қазақстан Республикасының Ұлттық кәсіпкерлер палатасы (бұдан әрі – ҚР ҰКП) осымен ҚР ҰКП Төралқасы Съезді шақыру туралы шешім қабылдағанын хабарлайды.

ҚР ҰКП-ның Съезі 2020 жылғы 29 қазанда сағат 15.00 өтеді.

Съезді өткізу нысаны: бейне-конференцбайланысты (zoom) және онлайн дауыс беру жүйесін қолдана отырып, онлайн түрінде.

Онлайн түрінде өтетін Съезге қатысуға арналған сілтемелер толық нұсқаулықпен қоса, Съезд қатысушыларының электрондық мекенжайларына жолданатын болады.

Съезд қатысушыларын бейне-конференцбайланыста және онлайн дауыс беру жүйесінде тіркеу (авторизациялау) 2020 жылғы 29 қазанда сағат 13.00 басталады, 2020 жылғы 29 қазанда сағат 15.00 аяқталады.

Күн тәртібі:

  1. ҚР ҰКП Жарғысы мен Съездің Регламентіне өзгерістер мен толықтырулар енгізу туралы.
  2. Бұқаралық ақпарат құралдарында жариялануға жататын ҚР ҰКП қызметінің қорытындылары туралы жыл сайынғы есепті бекіту туралы.
  3. ҚР ҰКП трансформациясы туралы.
  4. ҚР ҰКП Басқармасының өкілеттік мерзімін ұзарту туралы.
  5. ҰКП Ревизиялық комиссиясының жылдық есебін бекіту туралы.
  6. ҚР ҰКП Төралқасы жекелеген мүшелерінің өкілеттігін мерзімінен бұрын тоқтату және сайлау туралы.
  7. Басқа да мәселелер.

Күн тәртібіндегі мәселелер бойынша материалдар Съезд қатысушыларының атына электрондық байланыс арқылы Съезд өткізілетін күнге дейін қосымша жолданатын болады.

Анықтама телефондары: +7(7172) 91-93-00, 1432

Серіктестер