Ақтөбеде Сауда саласы бойынша салалық кеңес 30 негізгі мәселені шешіп, жаңа міндеттерді айқындады
Ақтөбе облыстық Кәсіпкерлер палатасында Арман Жылгелді төрағалық еткен Сауда және қызмет көрсету салаларының салалық кеңесінің кеңейтілген отырысы өтті. Жиынға Палата директорының орынбасары Руслан Куйшинов және барлық кіші секторлардың өкілдері қатысты.
Жыл қорытындысы туралы баяндама жасаған Кеңес үйлестірушісі — Динара Смагулова:- «2025 жыл Кеңес үшін өте белсенді және жемісті болды. Біз 25 отырыс өткізіп, 64 мәселені қарадық. Оның 30-ы шешілді, 20-сы шешім қабылдауды қажет етпеді, 14 мәселе бақылауда тұр», — деп атап өтті.
Ең басты назар еңбек нарығын дамытуға аударылды. Аймақ бойынша 30-дан астам компания қатысқан бос жұмыс орындарының жәрмеңкесі өтті, онда шамамен 150 актуалды ұсыныс ұсынылды. Бірі үшін бұл жұмыс табудың мүмкіндігі болса, енді бірі үшін кадр тапшылығын жабуға мүмкіндік болды. Мұндай тәжірибе ағымдағы жылы да жалғасады.
Жүзеге асқан жобалар қатарына «Еуразия жүрегіне саяхат» халықаралық экспедициясы, Wildberries маркетплейсінің семинары және Халықаралық IT-форум кіреді. Форумның екінші күні Google DevFest Aktobe бренді аясында өтті, Google Developer сарапшылары қатысты. IT-hub Ақтөбе алаңында цифрландыру, жасанды интеллект және заманауи бизнес-шешімдер талқыланды.
Қаржылық қызметтер кіші секторы салық заңнамасын реформалау бойынша белсенді жұмысын жалғастырды. Кәсіпкерлік қоғамдастықтың сараптамалық ұстанымдары арқасында жаңа Салық кодексін енгізу ұсыныстарды жетілдіру үшін кейінге қалдырылды. Бүгінгі күні бастамалар ҰКП «Атамекен» арқылы шоғырландырылған, ресми өтініштер E-Otinish платформасы арқылы басқарма төрағасының орынбасары Тимур Жаркенов атына қабылданады.
«Бұл жыл белсенді басталды. Өңір өкілдері ҰКП съезіне қатысты. Қаржылық қызметтер секторының сарапшылары Банк ЦентрКредит-пен бірлесіп ұйымдастырылған салық және бизнесті цифрландыру семинарында спикер ретінде сөз сөйледі. Сондай-ақ, Ақтөбе облысының прокурорымен кездесу өтті, онда ірі сауда объектілерін сақтандыру мәселелері де қаралды», — деп атап өтті Динара Смагулова.
Бүгінгі таңда Кеңес құрамында 42 кәсіпкер өкілі бар, оның ішіне қаржы қызметтері, сервис және креативті индустрия салаларынан 8 жаңа қатысушы кірді. Жұмыс істейтін 4 кіші сектор бар: сауда, қаржы қызметтері, қызмет көрсету және креативті индустрия.
Жалпы отырыстан бұрын әр кіші сектормен жұмыс кездесулері өтті, 2026 жылға арналған бастамалар белгіленді. Қызмет көрсету секторы өрт қауіпсіздігі және бизнес цифрландыру бойынша семинарлар өткізу, бастапқы кәсіпкерлерге логистика бойынша оқыту және жаңа бос жұмыс орындарының жәрмеңкесін ұйымдастыру ұсынылды.
Креативті индустрия жасанды интеллект пен цифрлық шешімдерге басымдық береді. 2026 жыл цифрландыру және ЖИ жылы деп жарияланғандықтан, креативті индустрияларды дамыту қоры құрылды, оған өңір креаторларының тізбесі берілді. Мәдениет басқармасымен бірлесіп креативті орталық құру мәселесі талқылануда.
Қаржылық қызметтер секторы келесі басымдықтарды белгіледі: 2026 жылғы салық және цифрлық реформаларға дайындық үшін басқа салалық кеңестермен бірлескен отырыстар өткізу, салық төлеушілер үшін тәуекелдерді азайту, Салық кодексі комиссияларымен жүйелі жұмыс, ақпараттық платформаларды жетілдіру және статистикалық есепті мемлекеттік цифрлық жүйелерге интеграциялау.
Сауда подсекторы кәсіпкерлік үшін өзекті мәселелерді көтерді — сатып алушы сұранысының төмендеуі, аренда құнының өсуі, кадр тапшылығы, жеңілдетілген кредиттеудің қажеттілігі және жергілікті өндірісті қолдау үшін стационарлық емес сауданы дамыту. Қала әкімдігімен кеңес уақытша жоспарланған.
Отырыстың барысында маңызды қоғамдық-саяси оқиға — алдағы референдум да назардан тыс қалмады.
Кәсіпкерлерге өңірлік «Әділ және прогрессивті Қазақстан үшін Халық Конституциясы» коалицияның өкілі Сергей Вишняк үн қатты: - «Бизнес — қоғамның белсенді бөлігі. Елдің болашағы біздің азаматтық ұстанымымызға байланысты. Сіздерді бей-жай қалмай, азаматтық ұстанымыңызды білдіруге шақырамын», — деді Сергей Вишняк.
Жиын қорытындысында Арман Жылгелді: -«Біз темпімізді төмендетпеуіміз керек. Кеңес — нақты ықпал ету құралы. Бізге сарапшылар қауымдастығын кеңейту, көбірек кәсіпкерді тарту және нақты бастамалармен шығу маңызды», - деп атап өтті
Ол қаржылық қызметтер және креативті индустрия секторларына өз алдына тәуелсіз кеңестер құру перспективасымен ұлғайту міндетін қойды.
Руслан Куйшинов кәсіпкерлердің салық өзгерістері бойынша сұрақтарына егжей-тегжейлі жауап беріп, бүгінгі күні бизнес пен мемлекеттік органдар арасындағы жүйелі кері байланысты орнатудың аса маңызды екенін атап өтті.
«Палата кәсіпкерлерді сүйемелдеуге және проблемалық мәселелерді біріктіріп шешуге дайын», — деді ол.
Отырыстың барысында Кеңестің 7 белсенді мүшесі ҰКП «Атамекен» белгілерімен марапатталды. Арман Жылгелді салық және бухгалтерлік мәселелер бойынша ұсыныстар әзірлеудегі кәсіби үлесі үшін ҰКП Басқарма төрағасының орынбасарыТимур Жаркенов атынан алғыс хатпен марапатталды.