Астана қаласының Кәсіпкерлер палатасы мен Қазақстан Республикасы Мемлекеттік қызмет істері агенттігінің Астана қаласы бойынша департаменті ынтымақтастық туралы меморандумға қол қойды

Астана қаласының Кәсіпкерлер палатасы мен Қазақстан Республикасы Мемлекеттік қызмет істері агенттігінің Астана қаласы бойынша департаменті ынтымақтастық туралы меморандумға қол қойды.

Құжат кәсіпкерлердің құқықтарын қорғауды күшейтуге және елордада кәсіпкерлік қызмет үшін қолайлы жағдайлар қалыптастыруға бағытталған.

Меморандум аясында тараптар әкімшілік кедергілерді анықтау және жою, мемлекеттік қызметтердің сапасын арттыру, сондай-ақ ашық іскерлік ортаны дамыту бағытында жүйелі өзара іс-қимыл жүргізуге уағдаласты.

Кәсіпкерлер палатасы бизнес жүргізу жағдайларын жақсартуға бағытталған бастамаларды қалыптастыруды жалғастырып, кәсіпкерлермен кері байланыс арқылы өзекті мәселелерді айқындайтын болады. Сонымен қатар, сыбайлас жемқорлық тәуекелдерін талдау және оларды төмендету бойынша ұсыныстар әзірлеуге басымдық беріледі.

Өз кезегінде департамент ұсынылған ұсынымдарды қарап, кәсіпкерлердің құқықтары мен заңды мүдделерінің сақталуын қамтамасыз етуге және әкімшілік кедергілерді жоюға ықпал ететін болады.

Сондай-ақ тараптар ашық диалог алаңдарын дамытуға, оның ішінде дөңгелек үстелдер мен жұмыс кездесулерін өткізуге уағдаласты.

Астана қаласы Кәсіпкерлер палатасының директоры Жеңіс Тайшытаевтың айтуынша, бұл меморандум бизнес мүддесі үшін жүйелі жұмысты жаңа деңгейге көтеруге мүмкіндік береді.

«Бұл өзара іс-қимыл кәсіпкерлердің құқықтарын қорғаудың тиімді тетігіне айналады», – деді ол.