Қанат Шарлапаев ЕҚДБ өкілдерімен «Атамекен» ҰКП ынтымақтастығының негізгі бағыттарын талқылады

«Атамекен» Ұлттық кәсіпкерлер палатасында Еуропалық қайта құру және даму банкі (ЕҚДБ) өкілдерімен кездесу өтті. Келіссөздер барысында тараптар жеке секторды дамытуға бағытталған ынтымақтастықтың басым бағыттарын талқылады.

Орталық Азия және Моңғолия бойынша ЕҚДБ басқарушы директоры Хусейн Озхан бастаған делегацияны қарсы алған «Атамекен» ҰКП Төралқа Төрағасы Қанат Шарлапаев банктің елдің негізгі халықаралық серіктестерінің бірі ретіндегі жүйелі рөлін атап өтті.

Кездесу барысында мемлекет пен жекеменшік серіктестік (МЖС) жобаларын іске асыруға ерекше назар аударылды.

Қанат Шарлапаевтың айтуынша, банктің Үлкен Алматы айналма автомобиль жолын (ҮАААЖ) салу және Көкшетауда көпсалалы аурухана тұрғызу сияқты ірі жобаларға қатысуы Қазақстанда мемлекет пен жеке серіктестіктің халықаралық стандарттарын қолдану тәжірибесін қалыптастырды.

Сондай-ақ, «Атамекен» ҰКП ЕҚДБ-ның іскерлік ортаны дамыту мен Қазақстан заңнамасын жетілдірудегі маңызды рөлін атап өтті.

Қазір тараптар ынтымақтастықты одан әрі дамыту және серіктестікті рәсімдеу мәселелерін талқылауда.