Қостанай облысы кәсіпкерлерінің 18 өтінішінің 10-ы прокуратура қабылдауы барысында шешілді
Қостанай облысы Кәсіпкерлер палатасының алаңында бизнес субъектілерін кезекті жеке қабылдау өтті. Кәсіпкерлермен кездесуді Қостанай облысы прокурорының аға көмекшісі Денис Леонов өткізді.
Жұмыстың бұл форматы бизнестің түйткілді мәселелерін жедел шешуде жоғары тиімділік көрсетуде. Жыл басынан бері Палата негізінде 13 жеке қабылдау ұйымдастырылып, оның барысында 18 өтініш қаралды. Оның ішінде 10 мәселе өзінің оң шешімін тапты, қалғандары ведомствоның бақылауында қалуда.
Бұл жолғы өтініштердің негізгі тақырыбы сәулет және қала құрылысы саласында туындайтын қиындықтар болды. Кәсіпкерлер рұқсат құжаттарын алуға және регламенттердің сақталуына қатысты жүйелі және жекелеген мәселелерді ортаға салды.
Жеке қабылдаулар бізге заң бұзушылықтарды тіркеп қана қоймай, бизнестің күнделікті қызметінде кездесетін әкімшілік кедергілерді жоюдың құқықтық тетіктерін жедел табуға мүмкіндік береді, — деп атап өтті Денис Леонов
Қабылдау қорытындысы бойынша облыс прокуратурасы Палата сарапшыларымен бірлесіп, тиісті прокурорлық қадағалау шараларын қабылдау үшін айтылған фактілерге егжей-тегжейлі талдау жүргізеді.
Естеріңізге сала кетейік, мұндай кездесулер Мемлекет басшысының кәсіпкерлердің құқықтарын қорғау және өңірде қолайлы инвестициялық ахуал қалыптастыру жөніндегі тапсырмаларын іске асыру аясында тұрақты түрде өткізіліп тұрады.