«Атамекен» ҰКП бизнес құқығын қорғауға арналған тұрақты түрде жұмыс істейтін вебинарлық платформаны іске қосты
2026 жылғы 9 шілдеде «Атамекен» Ұлттық кәсіпкерлер палатасында кәсіпкерлік субъектілеріне консультациялық-құқықтық көмек көрсету мақсатында жасалған тұрақты түрде жұмыс істейтін вебинарлық платформаның ресми ашылуы өтті.
Іс-шараға «Атамекен» Ұлттық кәсіпкерлер палатасы, Қазақстан кәсіпкерлерінің құқықтарын қорғау жөніндегі уәкіл аппараты, Республикалық адвокаттар алқасы, өңірлік кәсіпкерлер палаталары мен өңірлік адвокаттар алқаларының өкілдері қатысты.
«Атамекен» ҰКП Басқарма мүшесі – Басқарма төрағасының орынбасары Гүлнәр Бижанова платформаның іске қосылуы «Атамекен» Ұлттық кәсіпкерлер палатасы, Республикалық адвокаттар алқасы және Қазақстан кәсіпкерлерінің құқықтарын қорғау жөніндегі уәкіл арасындағы үшжақты ынтымақтастық меморандумын іске асырудың алғашқы нақты нәтижелерінің бірі екенін атап өтті.
Жаңа вебинарлық платформа кәсіпкерлерге консультациялық-құқықтық көмек беру, тәжірибе алмасу және бизнес құқықтарын қорғауға қатысты өзекті мәселелерді талқылауға арналған тұрақты түрде жұмыс істейтін алаңға айналады. Оның қызметі «Заң мен Тәртіп» қағидаларын нығайтуға, кәсіпкерлердің құқықтық мәдениетін арттыруға және құқықтық тәуекелдердің алдын алуға ықпал етеді.
«Атамекен» ҰКП мен Республикалық адвокаттар алқасы арасындағы ынтымақтастық аясында кәсіпкерлік субъектілерінің құқықтық сауаттылығын арттыру бағдарламаларын енгізу жоспарлануда. Атап айтқанда, оқыту вебинарлары мен онлайн-курстар өткізу, сондай-ақ кәсіпкерлердің құқықтарын қорғаудың өзекті мәселелері бойынша практикалық жадынамалар мен әдістемелік материалдар әзірлеу көзделген.
Мұндай жұмыстың сұранысқа ие екендігі тәжірибе жүзінде расталып отырғаны байқалды. Тек 2025 жылы «Атамекен» ҰКП-ның құқықтық қорғау жүйесі арқылы 3 778 өтініш қаралса, ал 2026 жылдың бірінші тоқсанында – 1 105 өтініш қаралған. Бұл бизнестің білікті консультациялық-құқықтық көмекке деген жоғары сұранысын және құқықтық тәуекелдердің алдын алу механизмдерін одан әрі дамыту қажеттігін растайды. Вебинар тақырыптары кәсіпкерлердің ұсыныстары мен құқықтық тәжірибедегі ең өзекті мәселелерді ескере отырып анықталады. Вебинарлардың тақырыптары кәсіпкерлердің ұсыныстары мен құқық қолдану тәжірибесіндегі өзекті мәселелер ескеріле отырып айқындалатын болады.