Жүйелі диалог және инфрақұрылым: «Атамекен» ҰКП басшылығы «KaspiyMynaiKapital» ЖШС-да болды 🚀

Батыс Қазақстан облысына жұмыс сапары аясында «Атамекен» ҰКП Инвестициялар департаментінің басшылығы мұнай-газ секторларына арналған жабдықтар өндірісін құру жобасын іске асырушы «KaspiyMynaiKapital» (ҚМК) ЖШС өндірістік алаңымен танысты.
Кәсіпорын өндірісті кеңейтуге және жаңа өнім түрлерін игеруге инвестиция салуға дайын. Сонымен бірге отандық машина жасау саласын дамытуда жүйелі тәсілді қалыптастыру бастамасын көтеріп отыр.
📍 Инвестордың басты ұсыныстары мен өзекті мәселелері:
• Болжамды тапсырыс пен ұзақ мерзімді келісімшарттар: Отандық өндірушілер үшін басты кедергі — нарықтың ұзақ мерзімді сұранысын алдын ала білмеу. Импортты алмастыру және өндірісті жергіліктендіру үшін өңірдегі ірі жер қойнауын пайдаланушылармен тікелей диалог орнату маңызды.
• ҚМК өнеркәсіптік алаңының инфрақұрылымы: Өндіріс пен логистика көлемін арттыру үшін кірме автомобиль жолын жөндеу және теміржол тұйығын дамыту мәселелері өзекті болып отыр.
• Жергілікті машина жасау саласын танымал ету: Ірі тапсырыс берушілер тарапынан отандық өндірушілерге деген сенімді арттыру.
Инвестордың негізгі ұстанымы:
«Біздің басты сауалымыз — өндірушілер, ірі тапсырыс берушілер мен мемлекеттік органдар арасында жүйелі өзара іс-қимылды жолға қою. Нарық сұранысы түсінікті болып, тапсырыс берушіге тікелей шығу мүмкіндігі болса, біз өз тарапымыздан өндірісті дамытуға және жаңа өнімді игеруге инвестиция салуға дайынбыз».
Көтерілген барлық мәселелер «Атамекен» ҰКП Инвестициялар департаментінің бақылауына алынып, облыс әкімдігімен, бейінді министрліктермен және ірі тапсырыс берушілермен бірлесе шешілетін болады.#бқокәсіпкерлерпалатасы #палатапредпринимателейзко #МаксатКуланбаев #мақсатқұланбаев