Толық циклді балық шаруашылығы: Ақтөбеде форель мен жайын өсіру өндірісі дамып келеді

Өңірде агробизнестің перспективалы бағыттарының бірі – аквакультура саласы дамып келеді. «Мұрагер 22» ЖШС заманауи айналымды сумен қамтамасыз ету қондырғыларын пайдалана отырып, форель және африкалық жайын өсіреді. Кәсіпорынның жобалық қуаты жылына 2700 тонна балық өндіруге жетеді. Кәсіпорынның жұмысымен Ақтөбе облысы Кәсіпкерлер палатасының директоры Дидар Боранкулов танысты.

Кәсіпорын балық өсіруде заманауи технологиялар мен айналымды сумен қамтамасыз ету жүйелерін қолданады. Бүгінде негізгі бағыттардың бірі – форель мен африкалық жайынды өсіру және өңдеу. Кәсіпорын мәліметінше, тауарлық форель өндіру қуаты жылына 600 тоннаға дейін жетеді. Балық ауа райы жағдайларына тәуелсіз, жыл бойы өсіріледі.

Өндірістік база инкубациялық цехты, аналық және шабақ өсіретін бассейндерді, сондай-ақ суды дайындау және биологиялық тазарту жүйесін қамтиды. Кәсіпорынның балық өсіру бойынша жобалық қуаты жылына 2700 тоннаға дейін жетеді.

Кәсіпорынның тарихы айналымды сумен қамтамасыз ету қондырғыларында балықты өнеркәсіптік өсіру жобасын іске асырудан басталған.

Бүгінде кәсіпорын өнімдері Ақтөбе, Астана және Алматы нарықтарында ұсынылған. Қазіргі таңда экспорттық нарықтарға шығу бойынша жұмыс жүргізілуде.

Кәсіпорынға барған кезде Дидар Боранкулов өндірістік процеспен танысып, кәсіпорын өкілдерімен қазіргі қызметі мен одан әрі даму перспективаларын талқылады. Компания басшысы Артур Акопян кәсіпорынды кеңейту жөніндегі перспективалық жоспарларымен бөлісіп, қолжетімді мемлекеттік қолдау тетіктерін пайдалануға дайын екенін жеткізді. Бұл бағытта Кәсіпкерлер палатасы тиісті сүйемелдеу көрсетеді.

«Кәсіпкерлер палатасы өңірдегі жұмыс істеп тұрған кәсіпорындарды сүйемелдеу, жүйелі кедергілерді анықтау және бизнеске инвестициялық әрі өндірістік жобаларды іске асыруға жәрдемдесу жұмыстарын жалғастыруда. Айта кетейік, биыл «Мұрагер 22» ЖШС «Қазақстанның үздік тауары» өңірлік көрмесіне қатысты. Көрме барысында компанияның әлеуетімен әлеуетті клиенттер мен серіктестер таныса алды», – дейді Дидар Боранкулов.