Қостанайда бизнес пен мемлекеттік органдар құрылыс нысандарын қабылдаудың бірыңғай алгоритмін әзірлейді

Қостанай облысы Кәсіпкерлер палатасының алаңында Құрылыс мәселелері жөніндегі салалық кеңестің отырысы өтті.

Кездесудің негізгі тақырыбы 2026 жылғы 1 шілдеден бастап жаңа ҚР Құрылыс кодексінің күшіне енуіне байланысты құрылыс нысандарын пайдалануға беру кезінде құрылыс салушыларда туындаған практикалық мәселелерді талқылау болды.

Талқылауға «Қостанай облысының құрылысшылар қауымдастығы» ЗТБ бастамашылық етті.

Қауымдастықтың атқарушы директоры Ирина Викулова өз сөзінде құжаттардың жаңа нысандарына және нысандарды қабылдаудың жаңа тәртібіне көшу салада бірқатар белгісіздіктер туғызғанын атап өтті.

Кез келген белгісіздік нысандарды пайдалануға берудің кешігуіне, қосымша шығындар мен бизнес үшін тәуекелдердің туындауына әкеледі. Құрылыс маусымының аяқталуына жақындаған қазіргі кезеңде нысандарды уақытылы пайдалануға беру ерекше өзекті, — деп атап өтті Ирина Викулова

Құрылысшылар қауымдастығы бұл жерде мемлекеттік бақылауды әлсірету немесе қауіпсіздік талаптарын алып тастау туралы сөз болып отырған жоқ екенін атап өтті.

Негізгі мақсат — бақылау рәсімдерін объективті, түсінікті және бірыңғай ету.

Отырыс қорытындысы бойынша қатысушылар мемлекеттік органдармен бірлесіп нысандарды пайдалануға уақытылы беруді қамтамасыз етуге мүмкіндік беретін регламент пен ұсынымдарды әзірлеу мәселесін талқылады.