Идеядан – өз ісіне: Жаңаарқа ауданындағы кәсіпкерлердің табысты оқиғалары

Ұлытау облысы Кәсіпкерлер палатасының жұмыс тобы Жаңаарқа ауданына жұмыс сапары барысында шағын бизнес нысандарын аралап, өз ісін жергілікті жерде дамытып отырған кәсіпкерлердің жетістіктерімен танысты.

Данияр Шарипбековтың кондитерлік цехы – осындай жобалардың бірі. «ОСОП-2025» байқауының қатысушысы Данияр 2025 жылы Жаңаарқа ауданы әкімдігінен 1,5 млн теңге мөлшерінде қайтарымсыз грант алып, қаражатты өз кәсібін дамытуға бағыттаған. Кәсіпкер Еуропа елдерінде кеңінен танымал круассандарды, сондай-ақ диеталық нан мен басқа да аспаздық өнімдерді дайындаумен айналысады. Данияр аспаздық саласындағы тәжірибесін Алматы қаласындағы шетелдік компанияда үш жыл жұмыс істеу барысында жинақтаған. Бүгінде оның цехында дайындалған өнімдер Жаңаарқа кентінің орталығында орналасқан «As-Market» сауда үйінде ұсынылады және аудан тұрғындарының сұранысына ие. Жұмыс тобы барған кәсіпкерлік нысандардың бірі — жаңадан ашылған «Lavanda» салоны. Оның негізін қалаушы — Асем Тасқали. Бұл кәсіпкерлік нысан да Жаңаарқа ауданы әкімдігінен 1,5 млн теңге көлемінде қайтарымсыз грант түрінде қолдау алған. Ұлытау облысы Кәсіпкерлер палатасының директоры Гульмира Каженова жаңа кәсіпкерді салонның ашылуымен құттықтап, жұмысына табыс, бизнестің тұрақты дамуын және көптеген тұрақты клиент тіледі. Данияр мен Асемнің оқиғалары идея, білім және дамуға деген ұмтылыс болған жағдайда, қолдаудың бизнесті бастау мен дамытуға нақты мүмкіндік беретінін көрсетеді. Кәсіпкерлер палатасы жұмысты тікелей аудандарда жалғастырып, кәсіпкерлермен кездесіп, олардың мәселелерін зерделеп, жұмыс істеп тұрған және жаңа бизнес-жобаларды дамытуға қолдау көрсетуде.