Ұлттық палатада күзет қызметтерінің тарифтеріне қатысты жаңа тәсілдер талқыланды

Бүгін «Атамекен» ҰКП алаңында білім беру ұйымдары үшін, әсіресе мектепке дейінгі, орта және жоғары білім беру мекемелері үшін мемлекеттік сатып алу кезінде күзет қызметтеріне тарифтерді қалыптастыру мәселелеріне арналған дөңгелек үстел өтті. Іс-шара ҰКП Аппарат басшысы Нұрбек Нәлқожаның төрағалығымен, бейінді министрліктер, мемлекеттік органдар, ҚР ІІМ Күзет қызметін бақылау комитеті, ҚР Күзет ұйымдарының қауымдастығы және жетекші күзет кәсіпорындары өкілдерінің қатысуымен ұйымдастырылды.

Дөңгелек үстел барысында білім беру ұйымдарына басымдық бере отырып, террористік тұрғыдан осал объектілерді (ТОО) физикалық күзету қызметтерінің құнын экономикалық негіздеу мәселелері бойынша жұмыс тобының атқарған жұмыс нәтижелері ұсынылды. Жиынға қатысушылар тарифтерді қалыптастыру тетіктерін, жеткізушілерге қойылатын біліктілік талаптарын және күзет қызметтерін мемлекеттік сатып алу рәсімдерін жетілдірудің өзекті мәселелерін талқылады. Сарапшылар қолданыстағы жүйенің басты мәселесі – сатып алу сомасы, заңды еңбек көлемі мен міндетті шығыстар арасында жалпыға қолжетімді байланыстың жоқтығын, ал бюджетті төмендету демпингке қарсы шараларды әлсірететінін атап өтті.

Жиын соңында дөңгелек үстелдің ұйымдастырылуы «Атамекен» ҰКП алаңында бизнес пен мемлекеттің диалогы бойынша бұған дейін белгіленген жоспарларды жүзеге асырудағы маңызды қадам болғаны атап өтілді. Отырысқа қатысушылар есептеудің ашық әдістемесін әзірлеу мен мемлекеттік сатып алу тетіктерін жетілдіру күзет ұйымдарының қаржылық тұрақтылығы үшін ғана емес, алдымен білім беру объектілері мен басқа да террористік тұрғыдан осал орындарды сенімді, сапалы әрі үздіксіз қорғауды қамтамасыз ету үшін де айрықша маңызға ие екендігін баса айтты.

Ұлттық палатаның, Ішкі істер министрлігінің, бейінді министрліктердің және кәсіби қоғамдастықтың бірлескен жұмысы ұсынылған бастамаларды енгізу және азаматтар мен қорғалатын нысандардың қауіпсіздік деңгейін арттыру мақсатында әрі қарай жалғаса бермек.