Әлеуметтік кәсіпкерлік саласындағы заңнаманы жетілдіру — ҚР Ұлттық экономика министрлігі жанындағы жұмыс тобының маңызды бағыттарының бірі. Бұл саладағы реформаларға негіз болған мәселелер мен ұсыныстар өңірлерде қалыптасты.

Қостанай облысы Кәсіпкерлер палатасының Өңірлік кеңесі мен салалық кеңестерінің жүйелі жұмысының арқасында әлеуметтік бизнес мәселелері ұлттық деңгейде қарастырыла бастады.

Өңірлік кеңестің мүшесі, әлеуметтік сала мәселелері жөніндегі салалық кеңестің мүшесі, «Атамекен» ҰКП Президиумы жанындағы Әлеуметтік кәсіпкерлікті дамыту жөніндегі кіші комитеттің және Қостанай облысы Кәсіпкерлер палатасының төрағасы, сондай-ақ әлеуметтік бизнес саласының маманы әрі амбассадоры Александр Анатольевич Соболев кәсіпкерлер тәжірибеде кездесетін мәселелерді бірнеше рет көтерген болатын. Соның нәтижесінде әлеуметтік кәсіпкерлікті қолдау қағидаларына өзгерістер енгізу жөніндегі ұсыныстар топтамасы әзірленді.

Александр Соболевтің айтуынша, негізгі мәселелердің бірі — қолжетімді инфрақұрылым мен үй-жайлардың тапшылығы, сондай-ақ жалдау ақысын өтеу тетіктерінің болмауы.

Өңірлік кеңестің жұмысының арқасында Қостанай кәсіпкерлерінің үй-жайлармен қамтамасыз ету, жалдау ақысын өтеу тетіктерін енгізу және нормативтік базаны өзектендіру жөніндегі бастамалары ҚР Ұлттық экономика министрлігі жанындағы жұмыс тобының күн тәртібіне енгізілді.

Өңірлік кеңес кәсіпкерлердің мүдделерін қорғау мақсатында нақты бизнес өкілдері мен орталық мемлекеттік органдар арасындағы сенімді көпір қызметін жалғастыруда.

Қостанай облысы Кәсіпкерлер палатасының директоры Ренат Давлетпаевтың айтуынша, Қостанай қаласында әлеуметтік кәсіпкерлік хабы ашылған. Ол оқыту, көрмелер өткізу, тәжірибе алмасу және өңірдегі әлеуметтік бастамалардың басын біріктіру үшін тұрақты алаңға айналды.