Осы күндері Мәскеу қаласында ғылыми және сарапшылық қауымдастық үшін маңызды оқиға — «Ресей мен Қазақстанның шекаралас өңірлерін кешенді дамыту: жаңа сын-қатерлер мен мүмкіндіктер» атты II Халықаралық ғылыми-практикалық конференция өтуде.

Қостанай облысы Кәсіпкерлер палатасы Ресей Федерациясы Үкіметі жанындағы Қаржы университетінің алаңында ұйымдастырылған ауқымды диалогқа қатысты. Конференция екі елдің жетекші сарапшыларын, мемлекеттік органдардың, бизнес пен академиялық қоғамдастықтың өкілдерін біріктірді.

Қостанай облысы Кәсіпкерлер палатасының директоры Ренат Давлетпаев атап өткендей, Zoom-конференция форматында экономикалық байланыстарды нығайту, ортақ қосылған құн қалыптастыру және шекаралас өңірлердегі логистиканы дамыту мәселелері талқыланды.

Адами капиталды дамытуға және заман талабына жауап бере алатын мамандардың жаңа буынын даярлауға ерекше назар аударылды.

Мұндай алаңдар елдеріміз арасындағы берік әріптестік тек мемлекетаралық келісімдерге ғана емес, сонымен қатар ғылыми ізденістерге, тәжірибе алмасуға және бірлескен бастамаларға да негізделетінін көрсетеді.