Алматыда экспорттаушылар мен тауар өндірушілерді қолдау жоспары талқыланды
«Алматыбасжоспар» ҒЗИ алаңында жергілікті қамтуды бақылау жөніндегі комиссияның отырысы өтті. Жиын аясында қала әкімдігі мен өңірлік кәсіпкерлер палатасы құрылыс материалдарының көрмесін ұйымдастырды: Онда әркім сапасы мен бағасы жағынан шетелдік баламадан кем түспейтін жергілікті өніммен таныса алды. Шараға құрылыс индустриясының бас мердігерлері мен дизайнерлері шақырылды.
«Алматыбасжоспар» ҒЗИ алаңында жергілікті қамтуды бақылау жөніндегі комиссияның отырысы өтті. Жиын аясында қала әкімдігі мен өңірлік кәсіпкерлер палатасы құрылыс материалдарының көрмесін ұйымдастырды: Онда әркім сапасы мен бағасы жағынан шетелдік баламадан кем түспейтін жергілікті өніммен таныса алды. Шараға құрылыс индустриясының бас мердігерлері мен дизайнерлері шақырылды.
Қыркүйекте қаланы дамытудың 2023 жылға арналған бағдарламасы қабылданды, оның шеңберінде 115 млрд теңге бөлінді. Оның ішінде қаражат экспорттаушыларды қолдауға жұмсалады.
«Біз келесі жылдан бастап шығындарды өтеуді батамақпыз. Республикалық бағдарламалар бойынша жағдайды жақсы білеміз, онда қаражат тез таусылады, сонымен қатар олар нарыққа икемді емес. Валюта елге келуі үшін қала бизнесінің дамуына мүмкіндік беретін бағдарлама жасалуы керек. Валюта ағыны экономиканы тұрақты етеді. Кәсіпкерлікті дамыту басқармасы оны әзірлеп жатыр», - деп атап өтті Алматы қаласы әкімінің орынбасары Әлішер Әбдіқадыров.
Спикер отандық тауар өндірушілердің жұмысына жеке тоқталды. Әкім орынбасарының айтуынша, мемлекеттік органдарға құрылыс материалдары мен құрылыстарда қолданылатын өнімдер шыққан елге қатысты бизнестен шағымдар түседі.
Алматы кәсіпкерлер палатасының директоры Айтуар Қошмамбетов Жобалау-сметалық құжаттамада көзделген материалдар мен отандық тауар өндірушілер тауарларының нақты қолданылуына мониторинг жүргізу жөніндегі комиссия құрылыста импорттық тауарлардың пайдаланылуын үнемі анықтайтынын атап өтті. Сондықтан комиссияның жұмысы маңызды.
«Мұнда кәсіпкерлерге, соның ішінде сапа, баға, жеткізу мерзімдері бойынша кәсіпкерлерге қарымта сұрақ бар. Біз өзара әрекеттесу форматын анықтауымыз керек деп санаймын. Әкімдікке салық базасы артып, алматылықтардың еңбекқысы өсіп, жұмыс орындарының саны артуы маңызды», – деді Әлішер Әбдіқадыров.
2023 жылы 43 жобаны іске асыру жоспарланған, оның ішінде жалпы сомасы 60 млрд теңгеге 25 жоба бойынша құрылыс-монтаждау жұмыстарын жүргізу жоспарланған, деп хабарлады қала құрылыс басқармасы. Жобалардағы жергілікті қамту үлесі 90%-ға дейін құрайды. Құрылыста қолданылатын 18 өнім атауының тізімі анықталды: жиһаз, терезе мен есіктер, бетон өнімдері, металл прокат, радиаторлар, болат құбырлар.
«Мердігерлік ұйымдар жақын арада анықталатын болады, келесі отырыста біз мердігерлерді анықтап, олармен диалог жүргізетін боламыз», – деді спикер.
Отырыста 8 сала және 100 млн теңгеден астам құрылыс-монтаж жұмыстары және «Қарапайым заттар экономикасы» бюджеттік бағдарламаларының әкімшілері 2023 жылға арналған қаржыландыру жоспарын ұсынды.
Құрылыс материалдарын өндірушілер мен құрылыс салушылар мемлекеттік органдардың өкілдеріне өз сұрақтарын қойды. Кездесуге қатысушылар комиссия отырыстарын тоқсанына бір рет өткізуге келісті. Соңында кәсіпкерлердің В2В келіссөздері ұйымдастырылды.