Алматыда дәстүрлі «кәсіпкерлер күні» өтті
Алматыда Сыбайлас жемқорлыққа қарсы қызмет бастамасымен нарықтардағы сауда саласындағы кәсіпкерлердің проблемалық мәселелерін талқылау бойынша кездесу өтті.
Алматыда Сыбайлас жемқорлыққа қарсы қызмет бастамасымен нарықтардағы сауда саласындағы кәсіпкерлердің проблемалық мәселелерін талқылау бойынша кездесу өтті.
Іс-шараға мемлекеттік органдардың, «Атамекен» ӨКП және бизнес-қоғамдастық басшылары қатысты.
Кәсіпкерлер жалдау ақысы, салық және кедендік сипаттағы, сондай-ақ жер қатынастары мәселелерін көтерді.
Кездесу барысында 40-тан астам кәсіпкер кеңес алды.
«Бүгінде біз 19 кейстін шешімін тауып, 8000-нан астам кәсіпкердің құқықтарын қорғадық. Алматыда шағын және орта бизнес кәсіпорындарының басым бөлігі шоғырланғанын ескере отырып, оларды бизнеске араласудың кез келген фактілері туралы хабарлауға шақырғым келеді», - деп Алматы қаласы Сыбайлас жемқорлыққа қарсы қызметтің Превенция басқармасының басшысы Қанат Салимбаев атап өтті.
Кәсіпкерлердің барлық келіп түскен сұрағы бойынша егжей-тегжейлі түсініктемелер беріліп, бірқатар нақты өтініштер бақылауға алынды.
«Бизнес мүддесін қорғау – Ұлттық палата мен мемлекеттік органдардың басты міндеттерінің бірі. Бұл бағытта Антикормен тығыз өзара іс-қимыл жолға қойылған. Биыл ҚР Сыбайлас жемқорлыққа қарсы қызметі бизнесті қорғау жылы деп жарияланып, Президенттің тиісті тапсырмаларын іске асыру аясында «Бизнеске жол» жалпы республикалық жобасы іске қосылды, – деп атап өтті Әуез Таймбетов.