Шығыс Қазақстан облысының ауыл шаруашылығы өндірушілері Астана қаласының сауда желілеріне өнім жеткізуге мүмкіндігі бар
Шығыс Қазақстан облысының ауыл шаруашылығы өндірушілері Астана қаласының сауда желілеріне өнім жеткізуге мүмкіндігі бар
«Astana» ӘКК АҚ өкілдері ШҚО Кәсіпкерлер палатасының алаңында бизнесмендерге өзара ынтымақтастық пен әріптестік қарым-қатынас және Астана қаласын әлеуметтік маңызы бар азық-түлікпен қамтамасыз ету тәсілдері туралы айтып берді.
ШҚО Кәсіпкерлер палатасы директорының экономикалық мәселелер жөніндегі орынбасары Сәкен Абдуллиннің айтуынша, компания тіпті әлеуметтік маңызы бар азық-түлік тауарларын өндірушілер мен жеткізушілер үшін жеңілдетілген қарыздар беруге дайын.
«Astana» ӘКК АҚ Азық-түлік қауіпсіздігі департаменті директорының орынбасары Ансар Амангелдинов айтып өткендей, 0,01% жеңілдікті несие беру кәсіпкерлік субъектілеріне тауарларды нарықтық бағадан төмен бағамен сатуға көмектеседі.
«Бірінші кезекте, әлеуметтік маңызы бар азық-түліктің 19 атауының ішінен елорда нарығы сүт өнімдеріне, күнбағыс майына, қарақұмық жармасына, етке мүдделі», - деп атап өтті Аңсар Амангелдинов.
Ол сондай-ақ жеңілдетілген несие берумен қатар, компания жеткізушілерді өнімді сату нүктелерімен қамтамасыз етуге міндеттенетінін айтты. Өз кезегінде өндірушілер өз өнімдерін үздіксіз жеткізуі керек.
«Несиелеу мерзімі бір жыл, бірақ шартты ұзарту мүмкіндігі бар", - деді Ансар Амангелдинов.
Басты мақсат - әлеуметтік маңызы бар азық-түлік тауарларының бағасын тежеу.
Жеңілдетілген қарыз алу үшін барлық қажетті ақпарат, құжаттар тізімі astana-spk.kz сайтында жарияланған.