Шыны ыдыс өндірісі
Еліміздің солтүстігі де шыны ыдыс өндірумен айналыса алады және айналысуға тиіс
«САФ» Шыны компаниясы» АҚ сауықтыру басқарушысы Нұрлан Шәріпов осындай пікір ұстанады.
«Атамекен» ҚР ҰКП Өңдеу өнеркәсібі комитеті Орама индустриясы кіші комитетінің үшінші отырысында сөз алған Нұрлан Шәріпов ҚР шыны саласының даму тенденциясына және шыны ыдыс шығарудағы жаңа өндірістердің пайда болуымен байланысты ішкі нарықтағы жағдайдың шиеленісу мүмкіндігіне назар аударды. Ол шыны өндірісін өңірлерге біркелкі бөлу керек деп есептейді.
Бүгінгі таңда ҚР шыны нарығын екі компания танытып отыр: жылына 191 млн бөтелке өндіретін «САФ» ШК АҚ және жылына 60 млн ыдыс бөтелке өндіретін Шымкенттегі «Еврокристалл» ЖШС. Екі кәсіпорын жылына 251 млн. бөтелке өндіреді.
«Егер Қазақстан Рсепубликасындағы шыны ыдысы нарығының сыйымдылығы, сарапшылар берген баға бойынша, 1,2 млрд. шартты бөтелкені құраса, онда шыны өндірісі нарығында жаңа отандық ойыншылардың пайда болуы қажет. Тек барлық шыны ыдыс зауыттарының Алматы облысында шоғырлануы қауіп тудырады», - деп атады Нұрлан Шәріпов. Ол сонымен бірге мұның кәсіпорын қызметіне теріс әсер ететінін айтып өтті, себебі олар бір-біріне дұрыс жұмыс жасауға мүмкіндік бермейді. Оның үстіне зауыттар шынайы жағдайды ескерусіз салынады.
Оның ойынша, бұл Солтүстік Қазақстан аумағын ресейліктерге қалдырып, еліміздің оңтүстік өңіріндегі отандық өндірушілер арасындағы бәсекені күшейтеді. Ондағы шыны ыдысын импорттаудың негізгі үлесі (60 %-дан астамы) Ресейден әкелінетін өнімге келеді.
Ресей Федерациясында 2005 жылдан бастап шыны ыдыс зауыттарын салуда серпіліс басталғанда, олардың көбі нарықты талдаудан өткізбестен, РФ әрбір жекелеген федералдық округінде сусындар мен консервілер шығару өндірісінің дамуын ескерусіз салынып, осындай жағдай орын алған еді. Ақырында қатаң бәсекелестік күрес жағдайында өндірістік қуаттылықтарды қате бөлу әрекет етуші біраз зауыттарды қысқартуға әкелді. Қазір РФ-да 68 шыны ыдысы зауытынан 45 қана жұмыс жасап тұр.
Нұрлан Шәріповтың айтуынша, отандық шыны өндірушілерде көрші елдерге (соның ішінде, Орталық Азия елдеріне) экспорттау түйткілі де баршылық, себебі ол өңірде де қызмет жасайтын шыны ыдыс зауыттары аз емес.
Шыны компаниясының басшысы Қазақстан аумағында шыны ыдыс өндіру зауыттарын біркелкі орналастыру шектес салалар дамуына және елдегі басқа өңірлер халқының жұмысқа тұруына көмектеседі.
«САФ» басшылығының пікірінше, бұл мәселені егжей-тегжейлі пысықтап, Қазақстандағы шыны ыдыс қажеттілігі нарығын зерттеу қажет. Компания мамандары да зауыттар мен жоспардағы өндірістік қуаттылықтардың аумақтық орналасуын өзгертуді нұсқай отырып, жаңа басталған жобаларды қайта қарауды ұсынуда.
Пікір қалдыру:
Пікірлер: