«Жас кәсіпкер» жобасының бизнес-тренерлеріне арналған оқу басталды
«Атамекен» ҚР Ұлттық кәсіпкерлер палатасы «Жас кәсіпкер» білім беру жобасына бизнес-тренерлердің алғашқы легін оқытуды бастады
Келіп түскен 200-ден астам өтінім ішінен тәжірибе бөлісу, жастарға бизнес жүргізудің қыр-сырын, сондай-ақ заңгерлік және экономикалық сауаттылықты үйретуге дайын 25 үміткер іріктелді. Тренинг бизнес-тренерлер қорын қалыптастырып, олардың біліктілігін арттыруға көмектеседі.
Бір апта бойы бизнес-тренерлерге арнап кәсіпкерлік негіздері, тайм-менеджмент, стресс-менеджмент, жобалық менеджмент, шешендік өнер, маркетинг, құқықтық және қаржылық аспектілеріне қатысты бизнес негіздері, бухгалтерлік есептілік бойынша семинарлар өткізіледі. Демек, бизнес-тренер болашақ тыңдаушыға бизнесті жүргізу машықтарын игеріп, кейін жеке кәсіп құру, жаңа жұмыс орындарын ашуға көмектесуі керек.
Жобаның бизнес-тренері болу үшін cvbastau@gmail.com электронды мекенжайға жеке түйіндемені жіберу жеткілікті.
Естеріңізге салсақ, Ұлттық кәсіпкерлер палатасы жастар кәсіпкерлігін дамыту және қолдауға бағытталған «Жас кәсіпкер» білім беру жобасын іске қоспақ.
Бизнес-тренердің міндеті қандай?
-жастарды кәсіпкерлік негіздеріне және бизнесті жүргізуге оқыту және кеңес беру;
-қаржыландыруға қол жеткізу, соның ішінде Нәтижелі жұмыспен қамту және жаппай кәсіпкерлікті дамыту бағдарламасының шарттары бойынша қаржылынадыруды алуға көмектесу;
-қаржыландыру алынған соң жүзеге асқан бизнес-жобаларды сүйемелдеу.
Пікір қалдыру:
Пікірлер: