Қазақстан туроператорлары туристерге үндей жасады
Бүкіл әлем және Қазақстанда COVID-19 коронавирус инфекциясының пандемиясымен орын алған ситуацияны ескере отырып, «ТУРИСТІК ҚАМҚОР» және туризм саласында барлық ереже мен заңдарды орындап отырған отандық туристік қоғамдастық іске аспай қалған және ертерек брондалған турлар үшін ақшалай қаражатты қайтаруға өтінім беруді мүмкіндігінше кейінге шегеруді сұрайды
Шекаралардың жабылуы және елдер арасында көлік қатынасының тоқтауына байланысты көптеген елдің үкіметі пандемиямен күресу мақсатында турларды тоқтату туралы шешім қабылдаған. Осыған байланысты Қазақстанда төтенше жағдайдың аяқталуына қарай туроператорлар туристеерден жаппай әрі бір мезгілде қаражатты қайтару туралы өтінімдер легіне тап болды.
Айта кетелік, туроператорлардың жұмыс істеу схемасы жеткізушілермен алдын ала келісім және авиакомпаниялар қызметіне алдын ала төлем жасаудан тұрады. Бұл әдіспен бүкіл әлем жұмыс істейді, Қазақстан да осы қатарда. Осылайша, қазіргі кезде ақшалай қаражаттың басым бөлігі қызметті жеткізушілердің құзырында. Карантинге байланысты туризм саласындағы көптеген кәсіпорын уақытша қызметті тоқтатты, бұл жайт туроператорларға қаржылық тексеру жүргізіп, ары қарайғы шараларды анықтауға мүмкіндік бермей отыр. Қызмет жеткізушілермен келісуге мүмкін болған бір ғана мүмкіндік – турлардың күнін өзгертіп, оларды айыппұлдық санкциясыз орындау туралы келісім жасау. Демек, бір ғана жол – сапар уақытын кейінге қалдыру.
Біз сіздерге туристік компаниялардың шетел валютасында қаржылай міндеттмелерін алдындағы мөлшерде құжаттар арқылы бекітіп (туристік қызмет көрсету келісімшартына қосымша келісім жазу арқылы) демалысқа бару күнін ауыстыруды ұсынамыз. Бұл құжаттар пандемия аяқталған соң туристердің демалысқа баруына құқығын қарастырады немесе нақты шығындарды шегергенде (2021 жылғы 31 желтоқсанға дейін) қаражатты қайтаруға болады.
Мұндай шара қолға алынбаса, іске асырлмаған турлар үшін ақшаны бір мезгілде жаппай талап етсе туроператорлар банкротқа ұшырауы мүмкін. Аталған жағдай қаражатты қайтаруға, сонымен қатар демалысты кейінге шегеруге де кері әсер етеді.
Заңнама төтенше жағдай кезеңінде, сондай-ақ форс-мажорлық кезеңде келісімшарттардың мерзімін ұзартуға мүмкіндік береді. Шекаралар әлі де жабық, ішкі туризмнің көптеген объектілері шектеулі режимді жұмыс істеп жатыр, облыс арасында қозғалу қиын.
Жоғарғы Сот өз түсіндірмелерінде келісімшарттар бұзылған немесе оның орындалуы форс-мажор салдарынан қиынға соқса, онда келісімшарт тараптарының міндеттемелері көрсетілген бөлікте белгіленген мерзімге өзгертілген (ұзартылған) деп есептеуге болады деп белгілеген.
Сіздерді туризм және салада жұмыс істейтін адамдарды қолдауларыңызды сұраймыз.
«Қазақстан Республикасы туроператорлар қауымдастығы» ЗТБ президенті Инна Рей
Пікір қалдыру:
Пікірлер: