Әлеуметтік аз қамтылған топтағы 132 мың азамат дәрі қобдишаларын алады
Осы жылдың жаз айларында Ұлттық палата COVID-19 індетіне шалдыққандарға тегін дәрі қобдишаларын жинақтау бойынша ұсыныс енгізді
ҚР Үкіметі аталған ұсынысты атаулы әлеуметтік төлем алушыларды тегін дәрі-дәрмектер және жеке қорғаныш заттармен қамтамасыз етуде қолдануды мақұлдады.
Бүгінде Ұлттық палатаға ҚР Денсаулық сақтау министрлігінен «дәріхананың» келесі құрамымен сұратым келіп түсті:
1. Цифрлық термометр – 1дана;
2. Үш қабатты бірреттік медициналық маска – 50 дана;
3. Қолға арналған антисептик– 2 шөлмек;
4. Ибупрофен 500 мг – 20 таблетка;
5. Парацетамол 500 мг – 20 таблетка;
6. Аскорбин қышқылы 500 мг – 40 таблетка;
7. Мукалтин 50 мг – 20 таблетка.
Ведомство отандық өндірушілермен аталған тауарларды қажетті көлемде өндіру мүмкіндігін келісуді сұрады. Осыған байланысты Ұлттық палата дәрі-дәрмектер мен медициналық заттарды отандық өндірушілермен дәріхана қобдишаларына өнімдерді дайындау бойынша жұмысты бастады.
Пікір қалдыру:
Пікірлер: