Павлодарлық «Атамекен» мен И.П.Оразғалиева кондитерлерге курстар ұйымдастырды
«Атамекен» өңірлік палатасының Әйелдер кәсіпкерлігін дамыту орталығы мен кәсіпкер Айгүл Оразғалиеваның ұйымдастыруымен кондитерлік өнімдерді дайындау бойынша бес күндік шеберлік курсы өтті.
Осындай дағдыларды үйрену үшін кәсіпкерге бес әйел өз еркімен келген.
«Мұнда келгендер мүлде кондитерлік өнімдерді дайындауды білмейтін, бұл қыздардың ешқайсысының жеке кәсібі жоқ. Олар жұмыссыз емес, бірақ қызмет түрін өзгерткісі келеді», - дейді «Оразғалиева» ЖК -нің басшысы Айгүл Оразғалиева.
Курстың қатысушылары, ашытқысы бар, тәтті, қаймақпен, көп қатпарлы, бисквиті, жалпы әр түрлі дәмді тағамдарды пісіруге болатын қамырдың барлық түрлерін үйренді.
Айгүлдің айтуынша, олар кондитерлік кәсіп ашуға қажеттінің бәрін үйреніп алған.
Алғашқы күні-ақ олар дәмді, хош иісті және өте әдемі бәліш пен тоқаштарды пісіріп, өздерін тамаша көрсетті.
Бес күн бойы қатысушылар «Оразғалиева» ЖК аспаздық студиясында төрт сағаттан білім алды.
«Қазір Павлодар облысының Кәсіпкерлер палатасы Айгүл Оразғалиеваға бұдан былай өзі оқытқан әрбір адамға бекітілген мемлекеттік үлгідегі ресми сертификаттар беруі үшін өз кәсіпорнында оқу орталығын ашуды ұсынды», - деді Серік Сәдуақасов, облыстық «Атамекен» кәсіпкерлер палатасының директоры.
Осы курстың нәтижесінде қатысушылар «Оразғалиева» ЖК-нің атынан және Павлодар облысының кәсіпкерлер палатасының жеке сертификаттарымен қатар дәмді нан пісіру дағдыларына ие болды.
Пікір қалдыру:
Пікірлер: