"Ауыл аманаты" бағдарламасы бойынша несие алу үшін жұмыспен қамту орталығында тіркелу және тіркеу ауылдық округте болуы тиіс - Павлодарлық "Атамекен"
Павлодар облысының Кәсіпкерлер палатасында "Атамекен" ӨКП агроөнеркәсіптік кешеннің салалық кеңесінің "Атамекен" ҰКП орталық аппаратының АӨК департаменті өкілінің қатысуымен "Ауыл аманаты" бағдарламасын түсіндіру бойынша кеңес өтті.
Отырысты Палата директорының орынбасары Жомарт Сембаев жүргізді. Жиында шаруалар мен кәсіпкерлер аталған бағдарлама арқылы қолдау алу мүмкіндігіне қатысты көптеген сауалдарын қойды. Сауалдардың бірі - "Ауыл аманаты" бағдарламасы бойынша несие тарихында мерзімі өткен берешек қандай болған жағдайда берілуі мүмкін?
«Несие тарихына сәйкес 90 күнге дейін мерзімі өткен берешекпен несиені мақұлдауға болады», - деді Павлодар облысының ауыл шаруашылығы басқармасы басшысының орынбасары Нұралы Қабиев.
.JPG)
Ол сондай-ақ мұндай қаржы қаражатын алуға өтінімдер жеке кәсіпкерлік қызметі негізгі табыс көзі болып табылмайтын азаматтардан да қаралатынын атап өтті.
Құжаттарды қабылдаудың бастапқы кезеңі ауылдық округтердің әкімдіктеріне өтеді. Өтініштерді әр аудан әкімінің орынбасарлары жетекшілік ететін жұмыс топтары қарайды. Олар 10 күн бойы зерттеледі. Бизнес-жоспар жасау бұл 10 күнге кірмейді, ол өтініш берген кезде дайын болуы керек.
«Ауыл аманаты» бағдарламасы – шаруаларымызға мемлекеттік қолдаудың жаңа шарасы. Ол ауыл шаруашылығы саласын дамытуға көмектесетін бұрынғы құралдар сияқты шаруалардың еңбек етуіне, өнім өндіруіне шынымен көмектесуі маңызды», - дейді Павлодар облысы Кәсіпкерлер палатасының директоры Серік Сәдуақасов.
.JPG)
Бағдарлама мақсаттарының бірі – облыс тұрғындарының әл-ауқатын жақсарту, сондықтан бүгінгі таңда атаулы әлеуметтік көмек алатын адамдарды тарта отырып, ауыл шаруашылығы өндірістік кооперативтерін құру қажет.
«Ауыл аманаты» бойынша несие алу үшін жұмыспен қамту орталығына тіркелу және тіркеу ауылдық округте болуы керек. Әлеуетті несие алушының ауылдық округте қанша мерзімге тіркелуіне қатысты шектеулер ережеде реттелмеген.
Бұл бағдарлама бойынша тілек білдірушілер асыл тұқымды мал сатып алып, оған субсидия ала алады, ал субсидиядан түскен ақшаны несиені өтеуге немесе шаруашылықты дамытуға, кеңейтуге жұмсауға болады.
Несие қаражатын алу үшін кепілді бағалауды тек тәуелсіз сарапшылар жүргізеді.
Пікір қалдыру:
Пікірлер: