ҚҚС мөлшерлемесін өсіру өнімнің құнын көтереді – павлодарлық кәсіпкер
Павлодар облысының «Атамекен» палатасы мен өңірдің бизнесі Ұлттық экономика министрлігі енгізуді жоспарлап отырған қосылған құн салығының мөлшерлемесін көтеруге үзілді-кесілді қарсы болды. Кәсіпкерлер өңірлік палатадағы кездесуде өз пікірін бөлісті.
.JPG)
«Ұлттық экономика министрлігі ҚҚС мөлшерлемесін 12 пайыздан 16 пайызға дейін көтеруді ұсынды. Вице-министр Азамат Амриннің мәлімдемесі бар. Ол министрлік жаңа Салық кодексін әзірлеу шеңберінде, соның ішінде қосылған құн салығы бойынша пайыздық мөлшерлемені көтеру бойынша құжаттар пакетін дайындап жатқанын айтты. Министрлік өкілдері ҚҚС көтерілсе, салық салынатын базаны, бюджет түсімдерін арттырады деп санайды. Бұл норма 2025 жылдан бастап енгізілетін болады. Біз «Атамекен» ретінде бұған мүлдем қарсымыз», – деді Павлодар облысы кәсіпкерлер палатасының директоры Ерқанат Әбенов кездесуде.
.JPG)
Кәсіпкерлер қосылған құн салығы мөлшерлемесін көтеруге қаншалықты дайын немесе дайын емес, ол кәсіпкерлердің өздерін ашық айтуға шақырды.
«Айсберг ПВ» ЖШС директоры, «Атамекен» ӨКП Өңірлік кеңесінің мүшесі Михаил Желновтың айтуынша, ҚҚС мөлшерлемесінің ұлғаюына байланысты түпкілікті өнімнің құны біржақты өседі, бұл бірден автомат түрде өндіріс пен сату көлемінің төмендеуіне әкеп соғады.
.JPG)
«Өндіріс көлемі төмендегеннен кейін өнімнің өзіндік құны артады. Өндіріс көлемінің төмендеуі жұмыс орындарының қысқаруына әкеледі. Айналым қаражатының ауытқуына байланысты біз несие алуға мәжбүр боламыз. Президент бізге: «Қызметкерлердің еңбекақысын көтеріңіз», дейді. Біз оны жыл сайын көтереміз. Бірақ еңбекақы мен қосылған құн салығының тұрақты өсуі өнімнің түпкілікті құнын арттырады. Осы себепті халық сатып алу қабілетін жоғалтады, жұмыс орындары азаяды, бюджетке салық түсімі азаяды», – деді ол.
.JPG)
Кейінгі жылдары кәсіпкерлерді адал еңбек етуге үндеу жасалғанын еске алды Михаил Желнов.
«Біз адал жұмыс істейміз, бірақ іс жүзінде ешқандай қайтарым көрмейміз. Мен қатысқан бизнес өкілдерімен соңғы кездесуде Мемлекет басшысы барлық шағын кәсіпорынды орта, ал орта кәсіпорындарды ірі кәсіпорындарға көшіруді ұсынды. Мұндай салық мөлшерлемесін алатын болсақ, орта және ірі бизнеске көшу туралы ойламасақ та болады. Салық өссе, инфляция бірден бес пайызға жетеді. Біз механизмді шынымен түсінеміз: 2025 жылдың 1 қаңтарында айналым қаражатын жоғалтпау үшін біз барлық активті бес пайызға көтеріп жатырмыз: негізгі қорлар, шикізат. Және автоматты түрде бәрі қымбаттайды. Яғни, әсері нашар болады. Ал бұл жағдайда бизнесті қолдау туралы мүлдем айтпаса да болады», – деді Михаил Желнов.
Ерқанат Әбенов кәсіпкерлердің жиынтық қорытындысы «Атамекен» ҰКП орталық аппаратына, одан кейін Салық кодексіне жоспарланған өзгерістерді әзірлеуші ретінде Ұлттық экономика министрлігіне жіберілетінін атап өтті.
Пікір қалдыру:
Пікірлер: