Нормативтік-құқықтық актілерде қайшылық болмауы керек
БҚО Кәсіпкерлер палатасы жанында жұмыс істейтін әлеуметтік мәселелер және білім беру және денсаулық сақтау саласы мәселелері жөніндегі салалық кеңестің кезекті отырысында мектепке дейінгі ұйымдар өз қызметінде басшылыққа алатын нормативтік-құқықтық актілерге түзетулер енгізуді талап ететін мәселелер талқыланды.
Еске салсақ, 2024 жылғы 1 қаңтардан бастап шағын және орта бизнесті тексеруге мораторийдің қолданылуы тоқтатылады, сондықтан өз қызметінде білім беру ұйымдарын бақылауды жүзеге асыру өкілеттігі берілген мемлекеттік органдар басшылыққа алатын нормативтік-құқықтық актілердің мазмұнында қайшылықтар болмауы тиіс.
Мысалы, Денсаулық сақтау министрлігінің заңнамалық актілерінде
балалар ойындары мен ойыншықтардың қауіпсіздігіне қатысты санитариялық-эпидемиологиялық талаптар, Кеден одағының техникалық регламентінің мазмұнына сәйкессіздіктер бар. Атап айтқанда, Кедендік одақ шеңберінде Қазақстан ынтымақтасатын мемлекеттердің құжаттамасында отандық НҚА-да көзделмеген ойыншықтардың жіктелуі (ойын жиынтықтары, судағы ойыншықтар, ойыншық-модельдер, жұмсақ ойыншықтар және т.б. болып бөлінеді) беріледі.
«Тексерулер жүргізу кезінде уәкілетті орган мектепке дейінгі ұйымды халықаралық сертификатқа сәйкестігін тексеруі тиіс болғандықтан, денсаулық сақтау министрлігінің бұйрықтары балалар ойындары мен ойыншықтарды жіктеуге бөлу бөлігінде пысықталуы қажет», – деп санайды мектепке дейінші білім беру саласының өкілі Батика Пайдина.
.jpg)
Нақты реттеуді қажет ететін мәселелерді талқылау кезінде баланы мектепке дейінгі ұйымнан шығаруға немесе оны басқа балабақшаға ауыстыруға негіз болатын мәселелер көтерілді.
Жеке білім беру ұйымдарының қызметіне қатысты мәселелермен бір мезгілде білім беру ұйымдарында интерактив тақтаны пайдаланудың орындылығы туралы мәселе қозғалды. Айта кету керек, қазақстандық білім беру жүйесінде интерактив тақта арқылы 10 жасқа дейінгі балаларды 20 минуттық оқыту көзделген. Алайда отырысқа қатысушылар атап өткендей, мұндай бағдарлама халықаралық тәжірибеде кең таралмаған. Бұл бағдарламалық жасақтама жыл сайын өзгеріп отыратындығымен түсіндіріледі, ал интерактив тақта көп ақша талап етеді. Сонымен қатар, интерактив тақтада және мұғалімдердің өзіне жұмыс істеу үшін қаржылық инвестиция қажет.
Заңнамадағы қайшылықтарды айта отырып, әлеуметтік мәселелер, білім беру және денсаулық сақтау саласындағы мәселелер жөніндегі салалық кеңес «Атамекен» Ұлттық кәсіпкерлер палатасына даулы мәселелерді реттеу бойынша бастамашыл ұсыныстармен жүгінуге ниетті. Егер НҚА-да қайшылықтар жойылмаса, келесі жылы мектепке дейінгі білім беру саласындағы бизнес субъектілеріне айыппұл салынады. Өйткені белгілі бір мемлекеттік орган өз ведомствосының нормативтерінің сақталуын тексеруді жүзеге асырады.
Жиында салалық кеңестің мүшесі, облыстық мәслихат депутаты Борис Лаврентьев өңірде жеке меншік нысанындағы мектепке дейінгі ұйымдар жүйесінің қалай дамып жатқандығы туралы хабардар етті. Ол 2009 жылдан бастап жеке балабақшалардың ашылуы басталған кезде бүгінде 141 балабақша жұмыс істеп тұрғанын хабарлады. Осы ұйымдар мектеп жасына дейінгі 10290 баланы қамтыған.
Жеке меншік балабақшалардың негізгі саны, сөзсіз, облыс орталығына тиесілі, аудандар арасында Бәйтерек пен Теректі лидер болып отыр.
Облыстың үш ауданында (Бөкей ордасы, Шыңғырлау және Жаңыбек) жекеменшік нысанындағы мектепке дейінгі ұйымдар жоқ. Спикер атап өткендей, оның себебі – аудандардың тұрғындары арасында қажеттіліктің болмауында.
«Мектеп жасына дейінгі балалар мемлекеттік балабақшаларға немесе аудандық мектептер жанындағы шағын орталықтарға барады, мектепке дейінгі балалар саны мемлекеттік білім беру ұйымдарында лимиттен аспайды. Тиісінше, бұл аудандарда жеке балабақшалар ашудың қажеті жоқ», – деді Борис Лаврентьев.
Сондай-ақ спикер білім беру саласын, оның ішінде жеке меншік нысанындағы ұйымдарды одан әрі дамыту осы жылдың соңында қабылданатын Ұлттық баяндамада көзделгенін еске салды. Үкімет жергілікті атқарушы органдарға білім беру саласында қызмет көрсететін жеке ұйымдардың өсімін қамтамасыз ету туралы міндет қойды.
.jpg)
Пікір қалдыру:
Пікірлер: