Кәсіпкерлік сектор үшін жағдай жасау арқылы ауылдардағы жұмыссыздықты төмендетуге жәрдемдесу
Ақтөбе облысының Алға ауданында жергілікті бизнесті қолдауға бағытталған бастамалар белсенді дамып келеді. Алға тұрғыны Райхангүл Жампейісованың тарихы жарқын мысалдардың бірі болып табылады. Жеңілдетілген несие арқылы ол жалға алынған бөлмеде сату нүктесін ашып, дәстүрлі ұлттық сусын – көже өндірісін ұйымдастырды. Алайда, өршіл кәсіпкер мұнымен тоқтап қалмайды. Ол өз өндірісін кеңейтуге, үй-жайы мен қосымша жабдықтарын сатып алуға ниетті. Өз жоспарларын іске асыру үшін Райхангүл апа Ақтөбе облысының кәсіпкерлер палатасының директоры Дидар Боранқұловтан егжей-тегжейлі кеңес алды, ол оған қолдау шараларын ұсынды. Оның мәселелерін одан әрі сүйемелдеуді Палатаның аудандық филиалы жүзеге асыратын болады.
.jpeg)
Айта кетейік, Дидар Боранқұлов облыстық мәслихат төрағасы Гүлкасима Сүйентаева бастаған облыстық мәслихат депутаттары тобының құрамында Тамды ауылдық округі мен Алға қаласының тұрғындарымен көшпелі кездесулерге қатысты. Кездесулер барысында жергілікті тұрғындар мен кәсіпкерлердің алдында тұрған өзекті мәселелер талқыланды. Олардың ішінде жеңілдікпен қаржыландыру, әлеуметтік нысандар салу, сондай – ақ медициналық қызмет көрсету мен тұрғын үй-коммуналдық шаруашылықтың жай-күйіне қатысты мәселелер бар.
Назар аударуды қажет ететін нысандардың қатарында жөндеуді қажет ететін Тамды балабақшасы мен Орталық стадион болды.
Барлық кездесулерге аудан әкімі Асланбек Шуиншалиев қатысты.
.jpeg)
"Атамекен" кәсіпкерлер палатасы директорының катысуы ӨКП мен облыстық мәслихат арасындағы ынтымақтастық туралы жоспар шеңберінде жүзеге асырылады. Өткен жылы басталған бұл тәжірибе аймақтағы бизнес-климатты жақсартуға бағытталған.
Облыстық мәслихат төрағасы Гүлкасима Сүйентаеваның айтуынша, өкілді орган алдындағы басты мәселелердің бірі кәсіпкерлік сектор үшін жағдай жасау арқылы ауылдық елді мекендерде жұмыссыздықты төмендетуге жәрдемдесу болып табылады.
"Атамекен" өңірлік бизнес-ахуалды жақсартуға бағытталған мәселелерді шешу шеңберінде жергілікті өкілді органдармен өзара іс-қимылды күшейту міндетін көздейді. Аудандарға бірлескен сапарлар, соның салдарынан проблемалық мәселелер мен шешу жолдары бизнестің қандай да бір мәселесін реттейтін нормативтік құжаттарға өзгерістер енгізу үшін бірлескен ұсынымдар әзірлеуге негіз бола алады", - деп түсіндірді Дидар Боранқұлов.
.jpeg)
Бүгінгі таңда Алға ауданында 3199 шағын және орта кәсіпкерлік субъектісі тіркелген, оның ішінде 3116 белсенді жұмыс істейді. Бұған 237 жауапкершілігі шектеулі серіктестік, 836 шаруа қожалығы және 2043 жеке кәсіпкер кіреді. Кәсіпкерлік саласында 4812 адам жұмысқа орналастырылды, бұл бизнестің өңір экономикасына қосқан елеулі үлесін көрсетеді.
Халықпен кездесу барысында Дидар Боранқұлов ауыл тұрғындарын жергілікті шикізаттан өнім өндіруде қолдауға және олардың бизнесін масштабтауға бағытталған "Бір ауыл – бір өнім" жобасы туралы да айтты. Жобаға қатысқысы келетіндер кеңес алу және қолдау үшін Палатаның филиалдарына жүгіне алады.
.jpeg)
Пікір қалдыру:
Пікірлер: