«Бастау» жобасы бизнес-жаттықтырушыларды іздейді!
«Атамекен» ҚР Ұлттық кәсіпкерлер палатасы кәсіпкерлік негіздерін оқыту бойынша «Бастау» жобасының жүзеге асырылу ауқымының ұлғаюына орай бизнес-жаттықтырушылар тобы қабылданатыны туралы хабарлайды.
Кандидаттарға қойылатын негізгі біліктілік талаптары:
- 26 жастан жоғары;
- Бастапқы бизнес-жобаларды іске қосу, сүймелдеуде тәжірибесі бар, дұрысы ауылдық өңірлерде;
- Бизнес-жоспарлау, қаржылық үлгілеу, маркетинг негіздері, нарықты зерттеу, агробіліктілік, салық салу, мемлекеттік реттеу шаралары, бизнеспен айналысу негіздері бойынша білімі;
- Бизнесін енді бастаған кәсіпкерлермен жұмыс тәжірибесі бар, 15-тен 70-ке дейінге адамнан құралған топпен, сондай-ақ жеке адамдармен жұмыс істей білу қабілеті;
- Шағын және орта бизнеске мемлекеттік қолдау шаралары, оның ішінде жеке кәсібін бастаушыларға қаржылай қолдау шаралары туралы білу;
- Ауылда нарық ерекшелігін және бизнестің негізгі түрлерін түсіну, жергілікті жерде өткізу картасын жасау;
- Жоғары коммуникативті біліктілік, оның ішінде менторлық немесе коучинг, тыңдаушылармен «кері байланыс» орната білу, РR-қолдау;
- Өңірлік кәсіпкерлер палатасымен командалық жұмыс істеу және мемлекеттік органдармен және жоба серіктестерімен бірлесіп жұмыс істеу.
Біз сіздерден күтеміз:
- Кәсіби тәсіл, жобаға толықтай берілу;
- Ауылда шағын және орта бизнесті дамытуда белсенді ұстаным мен қызығушылық;
- Өз білімімен, тәжірибесімен бөлісуге дайындық, сондай-ақ жұмыс барысында үнемі өз біліктілігін дамыту;
- Лек арасындағы аздаған демалыстарды ескере отырып, оқу жүргізілетін жерде (аудан орталығы, ауыл) әрдайым болу.
Жобадан алатыныңыз:
- Ұлттық деңгейдегі ауқымды да қызықты жобада жұмыс істеу тәжірибесі;
- Қызмет көрсету келісімшарты бойынша тұрақты жұмыс (жоба 2021 жылға дейін есептелген) және кәсіби өсу.
Бизнес-жаттықтырушыларды ашық іріктеу жүйесі бірнеше кезеңнен тұрады:
1-кезең – түйіндеме, мотивациялық эссе жолдау;
2-кезең – бизнес жоспарлау бойынша біліктілікті анықтау үшін практикалық тапсырмаларды орындау; қаржылық үлгі құру;
3-кезең – Жаттықтырушыларға арналған 5 күндік тренингке қатысуға шақырту (алдыңғы кезеңдерден сәтті өткен соң);
4-кезең – мамандар резервіне ену;
5-кезең – жобаға шақырту.
Қызығушылық танытқан жағдайда түйіндемеңізді cvbastau@gmail.com электронды поштасына жолдауыңызды сұраймыз.
«Бастау» жобасы мен үшін нағыз кәсіби сын-тегеурін болды. Жобаға қатысу арқылы бизнес жүргізуде өзімнің тәжірибелік білімімен бөлісуге, оқуға қатысушылардың күн сайын қалай өзгеруін көруге мүмкіндік алдым. Бизнес-жатттықтырушы ретінде қатысқан кезде 188 жұмыссыз және жеке кәсібін енді бастаған кәсіпкерлердің 56-сы өз бизнестерін ашты немесе кәсіптерін ұлғайтты. Жобаға қатысыңыздар, ауыл тұрғындарына бизнестегі әлеуетін дамытуға көмектесіңіздер. «Бастау» кәсіби тұрғыдан өсуге мүмкіндік береді», – дейді «Бастау» жобасының Батыс Қазақстан облысы Зеленов ауданы бойынша бизнес-жаттықтырушысы Қуанышбек Ерниязов.
«Бастау» – 2017 жылы Нәтижелі жұмыспен қамту және жаппай кәсіпкерлікті дамыту бағдарламасы аясында Қазақстанның 80 ауданында басталған оқыту жобасы, 2018 жылдан 2021 жыл аралығында 160 ауданды қамтып отырады.
Жобаның мақсаты: Кәсіпкерлік негіздеріне тәжірибелік оқыту, бастапқы бизнес-бастамаларды сүйемелдеу және қолдау арқылы Қазақстанның әр ауданындағы жұмыссыз және өзін-өзі жұмыспен қамтыған тұрғындарының білімін арттыру.
Пікір қалдыру:
Пікірлер: