Жамбыл облысы Өңірлік кеңес мүшелігіне байқау – 1 орынға 3 үміткер
Жамбыл облысы Кәсіпкерлер палатасы Өңірлік кеңеске кандидаттарға дауыс беру басталғанын хабарлады. Дауыс беру 12 сәуірде басталып, 16 сәуірде аяқталады
Өңірлік кеңеске 28 адам сайлана алады. Тіркелген кандидат саны – 91 адам. Өңірде 10 сәуірге дейін қызу үгіт-насихат науқаны жүргізіледі. Әр ауданнан 4-5 үміткер ұсынылған, мұндай жайт сайлау процедурасының ашықтығын, сондай-ақ бизнес үшін осы бастаманың маңызды екенін көрсетеді.
«Әр бизнес субъектінің дауысы маңызды, өйткені өңірде бизнестің мүддесіне өкілдік етіп, ең өзекті түйткілді көтеруге дайын азаматтардың кім болатыны кәсіпкерлердің таңдауына байланысты», – деп атап өтті Жамбыл облысы кәсіпкерлер палатасының директоры Самат Қосалиев.
Палата өкілі жамбылдық кәсіпкерлерді сайлау науқанына жауаппен қарап, дауыс беруге белсенді қатысып, кандидаттарға қолдау білдіруге шақырды.
Үгіт-насихат науқаны кезінде әр кандидат өңірдегі іскерлік ахуалды жақсарту жөніндегі жеке бағдарлама мен қажетті іс-шаралар ұсынымын дайындады, олармен https://vote.atameken.kz/ru/ веб-сайтынан танысуға болады. Қалаулы кандидатқа ЭЦҚ көмегімен https://vote.atameken.kz/ru/ сайты арқылы дауыс беруге болады.
Сайлауға қатысып жатқан ең жас кандидат 27 жаста, ең үлкен кандидат – 78 жаста, орташа жас ерекшелігі – 49 жасты құрайды. Кандидаттардың 35 пайызы – кәсіпкер әйелдер.
Өңір бизнесі құрылымында 99%-ды шағын кәсіпкерлік алып отырғанын ескерсек, кандидаттардың негізгі үлесі (90%) немесе 82 субъект шағын бизнестің өкілдері. Ірі және орта бизнестен 10 кандидат бар.
Енгізілген шектеулерге байланысты барлық үгіт-насихат іс-шаралары онлайн режимінде немесе БАҚ және әлеуметтік желілер арқылы жүргізіледі. Атап айтқанда кәсіпкерлер – дауыс беруге қатысушылармен кездесулерін бейнеконференция режимінде, әлеуметтік желілерде тікелей байланыс арқылы жүргізеді, сондай-ақ үгіт-насихат және бағдарламалық материалдарды телевизия, баспа басылым және Facebook, Instagram желілері арқылы орналастыру көзделген.
Өңірлік кеңестер құрамына облыс орталықтары мен аудандардың бизнес субъектілерін біркелкі ұсыну облыс орталығына – 60%, аудандарға, моноқалаларға және шағын қалаларға – 40% арақатынаста белгіленген.
Пікір қалдыру:
Пікірлер: