Кәсіпкерлер утиль алымының нөлдік ставкасын пайдалана алмай отыр
Бұл проблема «Жасыл Даму» АҚ сайтында кәсіпкерлердің жеке кабинеттерінде туындаған. Көлік жүргізушіге 1 684 650 теңге мөлшерінде төлеу жасау талабы қойылғаннан соң ол рұқсат карточкасын қоса отырып, шын мәнінде халықаралық тасымалдаушы екенін дәлелдеуі тиіс. Әйтпесе, төлем ескі ставка бойынша төленуі керек.
«Жүргізуші көлікке рұқсат карточкасын көлік тіркеуден өткеннен кейін алады, яғни мемлекеттік нөмір белгісін алады. Ал утиль алымын төлеу тіркеу кезіндегі орындалуы тиіс қадамдардың бірі. Бұл ретте Экология министрлігінің бұйрығында көлік құралына емес, компанияға рұқсат беру куәлігі талап етіледі», – деді «Атамекен» ҚР ҰКП Логистика және тасымалдау департаментінің директоры Мұрат Амрин.
Бұл ретте халықаралық бағыттар бойынша тасымалдаумен айналысатын компанияда лицензия түріндегі рұқсат куәлігі бар. Бұл құжат компанияға халықаралық тасымалдаумен айналысуға рұқсат береді.
Бұл мәселе туралы «Атамекен» Ұлттық кәсіпкерлер палатасына қарағандылық жүргізуші Владимир Евдошенко хабарлады. Ол жеке кабинетінде 1 684 650 теңге мөлшерінде шот қойылғанын және 1,5 аптаға жуық уақыт осы мәселені шешуге тырысып жатқаны жеткізді.
«Егер «жазу» түймесін бассаң, мен автомат түрде осы төлемге келісім беремін де, бұл қаражатты қайтару өте қиын болады. Бірден олардың байланыс орталығына хабарласа бастадым, олар түрлі сұрақ қоя бастаған. Мысалы, «сіз шынымен көлікпен жүресіз бе?», «бәлкім басқа біреуге тіркеп жатырсыз?», «егер қазір машинаны тіркеуге нөлдік ставка бойынша қойсаңыз, содан кейін сіз шетелде жұмыс істемей қалсаңыз?». Содан кейін олар министрліктен әдістеме бойынша түсініктеме күтетіндерін айтты», – деді ол.
Кәсіпкер Экология, геология және табиғи ресурстар министрлігіне, сондай-ақ Индустрия және инфрақұрылымдық даму министрлігіне қоңырау шала бастады. Екі ведомствоға да қоңырау шала алды. ИИДМ Әдістемеде жұлдызша белгісімен тармақ бар екенін түсіндірді. Онда автомобиль көлігі саласында мемлекеттік бақылауды жүзеге асыратын уәкілетті орган берген халықаралық бағытта автомобиль тасымалдарын жүзеге асыруға рұқсат куәлігі болған кезде көлік компаниялары импорттайтын халықаралық тасымалдау үшін пайдаланылатын жүк көлігіне қатысты 1-ге дейін 2025 жылғы қаңтарда 0 коэффициенті қолданылады делінген.
«Барлық мәліметті саралаған соң «Жасыл Даму» компаниясына хабарласып, осы сілтеме жайында айттым. Оларға тармақты оқып, түсіндіріп бердім. Мамандар бұл ақпарат жайында білетінін, бірақ экология министрлігінен түсіндірме күтіп отырғанын айтты. Бәрін білген болса, неге сонша уақыт әуре-сарсаңға салып келді? Неге бірден айтпады?», – деп сұрақ қойды Владимир Евдошенко.
Мұнымен Владимирдің жүк көлікке қатысты оқиғасы аяқталмады. Барлық анықтамадан кейін тасымалдаушы жеке кабинетіне қайта кіріп көрді, бірақ сайт ашылмады, парақшада техникалық жұмыстар жүргізіліп жатты.
«Біз бұған қуанып, проблеамамызды шешіп жатыр екен деп ойладық. Бірақ барлық жұмыстан соң проблема шешімін таппады, сайт әлі де картаны тіркеуді талап етті. Компанияға тағы қоңырау шалдым, екі күндей ешкім жауап қатпады. Себебі мен көлікті кепілге салуым керек, өйткені көлікті сатып аларда «Даму» қорының ШОБ-ты қолдау бойынша бағдарламасын пайдаландым. Енді маған банк хабарласып жатыр. Ал мен болсам көлікті тіркей алмай, жұмыссыз жүрмін», – деді жүргізуші.
Владимир Евдошенко – «Жасыл Даму» АҚ сайтындағы қате салдарынан көлігін тіркеуге қоя алмай жүрген жалғыз кәсіпкер емес.
«Біз алдын-ала экология министрлігімен байланысып, жақын арада қажетті жазбаша түсініктеме беруді сұрадық. Сондай-ақ, Экология министрлігі мен «Жасыл Даму» акционерлік қоғамына жүйеде тіркеу және қателерді жою рәсіміне қатысты екі ресми хат жолдадық», – деп атап өтті Мұрат Амрин.
Еске салсақ, 2022 жылдың 14 мамырынан бастап Қазақстанда толық (техникалық рұқсат етілген ең жоғары) массасы 12-ден 50 тоннаға дейінгі жүктерді халықаралық тасымалдауда пайдаланылатын ершікті тартқыштарға 1 684 650 теңге және 3 216 150 теңге орнына нөлдік мөлшерлеме қолданылады.
Мемлекет басшысының 2021 жылғы шілдедегі тапсырмасы кәсіпкерлерді қазақстандық жүк көліктері паркін ұлғайтуға ынталандырды.
Пікір қалдыру:
Пікірлер: