Қостанай облысы кәсіпкерлер палатасының өкілдері Әулиекөл ауданының кәсіпкерлерімен кездесті
Қостанай облысы кәсіпкерлер палатасының басшысы Әулиекөл ауданының кәсіпкерлерімен кездесті.
«Қазіргі кезде өрт салдарынан бизнеске келтірілген залалды анықтау бойынша жұмыс жүргізіліп жатыр», – деп хабарлады Қостанай облысы кәсіпкерлер палатасының директоры Данияр Күзенбаев Фейсбуктегі парақшасында.
Өрт салдарынан бизнестің 15 субъектісіне залал келтірілгені анықталды. Олардың барлығы шағын бизнес нысаны – кафе, ТЖО, сауда саласы және ауылшаруашылық тауар өндірушілері.
«Кездесуде әркім өз шығындары туралы айтты, кейбірі бизнесінен толықтай айырылған. Қазір залалды бағалау бойынша жұмыстар жүргізіліп, кәсіпкерлерді қолдау механизмі талқыланып жатыр», – деп атап өтті Данияр Күзенбаев.
Өңірлік кәсіпкерлер палатасының директоры бұл жұмыстың қалай жүргізіліп жатқаны туралы Facebook-те тұрақты жариялап тұрады.
Сондай-ақ, хабарламада осы мәселеге қатысты ақпаратты жинау бойынша ашық жедел желі телефондары көрсетілген:
+ 7 777 268 47 08
+ 7 777 037 77 78
+ 7 705 153 91 07
Пікір қалдыру:
Пікірлер: