Елордада «Қазақстанның үздік тауары» республикалық көрме-байқауы өтеді
«Атамекен» ҚР Ұлттық кәсіпкерлер палатасы Сіздерді «Қазақстанның үздік тауары» республикалық көрме-байқауына шақырады.
Көрмеге 2022 жылғы «Қазақстанның үздік тауары» өңірлік көрме-байқауларда жеңіске жеткен 153 компанияның тауарлары ұсынылатын болады. Байқау «Өндірістік мақсаттағы үздік тауарлар», «Халыққа арналған үздік тауарлар», «Үздік азық-түлік тауарлары» номинациялары бойынша өтеді.
«Астананың тұрғындары мен қонақтары Қазақстанда жасалған тауарларды көріп, сатып ала алады. Республикалық көрмеге елдің түкпір-түкпірінен келген тауарлардың барлығы өндіруші ұсынған бағада сатылады. Көрмеде өндірушілер ұсынған сыйлықтар ұтысы өтіп, флористика және киіз басудан шеберлік сабақтары ұйымдастырылады», – деп атап өтті «Атамекен» ҰКП сарапшылары.
Көрме аясында кәсіпкерлер іскерлік байланыстарды нығайтып, пікір алмасып, В2В келіссөздерін жүргізе алады.
Көрме-байқау 2022 жылдың 8 қазанында Астана қаласы Мәңгілік ел даңғылы 53/1 «ЕХРО» халықаралық көрме орталығында өтеді.
Көрме сағат 10:00-18:00 аралағында жұмыс істейді.
Анықтама үшін: Қазақстан Республикасы Президентiнiң «Алтын сапа» сыйлығын алуға арналған байқау және «Қазақстанның үздік тауары» республикалық көрме-байқауы туралы» 2006 жылғы 9 қазандағы №194 Жарлығына сәйкес, елімізде жыл сайын «Қазақстанның үздік тауары» республикалық және өңірлік көрме-байқауы өткізіледі.
Пікір қалдыру:
Пікірлер: