Шаштараз курсы бойынша оқыту жалғасуда
Бүгінгі күні шаштараз өнері күн сайын танымал және сұранысқа ие болып барады. Шаштараздар мен стилисттер қазір ең көп сұранысқа ие мамандықтардың бірі болып табылады. Имиджді өзгерту және ерекше болу көптеген адамдар үшін маңызды.
Алайда, осы салада жоғары кәсіби деңгейге жету үшін тек шығармашылық қабілеттерге ғана емес, сонымен қатар тиісті дағдылар мен білімге ие болу керек.
Сондықтан да болар, Ұлытау облысының өңірлік кәсіпкерлер палатасы жанындағы шаштараз курсы бойынша тегін оқыту зор сұранысқа ие болуда. Курс қатысушылары жұмыс істейтін салонда тәжірибеде үйренген білімдерін қолдануға мүмкіндік алады. Сонымен қатар, курстарда сіз әртүрлі шаштың түрлерімен және текстураларымен танысып, тәжірибе жинай аласыз, шаштараздағы соңғы трендтер мен сән бағыттары туралы біле аласыз.
Оқытудың маңызды бөлігі сонымен қатар клиенттермен қарым-қатынас жасай алу.
Шаштараз курсын оқу мансаптық өсу мен кәсіби дамудың үлкен мүмкіндіктерін ашады. Курс түлектері сұлулық салондарында жұмыс істей алады, Сән шоуларына қатысып, танымал адамдармен жұмыс істей алады немесе өздерінің шаштараз студиясын ашуға да болады.
Шаштараз курсы бойынша оқытуды екі тәлімгер жүргізеді: теорияны Назкен Омарова үйретсе, практикадан Гүлнар Жанабатырова сабақ береді.
Пікір қалдыру:
Пікірлер: