Автоклавты газбетон өндірушілерге қолдау керек
«Атамекен»ҰКП алаңында автоклавты газбетон өндірушілер өз проблемалары туралы айтты. Кәсіпкерлер отандық өндірушілерді мемлекеттік деңгейде қолдау, қисынды протекционизмге қажеттілік, сондай-ақ теміржол көлігіндегі логистикадағы үзілістерге қатысты проблемаларды көтерді.
Қазақстан автоклавты газбетон өндіру қауымдастығының атқарушы директоры Нұрболат Сукуровтың айтуынша, Астанада тұрғын үй құрылысын қысқартуға қатысты мемлекеттік органдардың жоспары автоклавты газбетон өндірушілердің алаңдаушылығын тудырды. Қысқарту құрылыс материалдарын өндірушілерге қатты әсер етуі мүмкін.
«Кәсіпорындар қымбат жабдық сатып алу үшін қарызданды, қызметкерлер мен мамандардың штатын ұлғайтты, өндірістік қуатты 50-ға кеңейтті. Енді олар қайтпек? Алдағы уақытта өндірілген өнімге сұраныс түссе, сәйкесінше көлем азаяды, штат қысқарады, несие төленбей қалады, тіпті банкрот та болу ғажап емес», – деді Қауымдастық жетекшісі.
Спикер мемлекет статистикасында есеп жүргізу үшін автоклавты газбетонді Өнеркәсіптік өнмідер (тауарлар мен қызметтер) анықтамалығында жекелеген позицияда белгілеу керегін айтты. Бұл шара құрылыс материалдарын өндіруді сапалы талдап, жоспарлауға мүмкіндік береді.
ҰКП Өңдеу өнеркәсібі департаментінің директоры Алматы Асқар кеңес қорытындысы бойынша автоклавты газбетон өндіру саласын дамыту бойынша мемлекеттік органдармен өзара іс-қимыл жасау тәсілдері әзірленгенін айтты. Сондай-ақ, ҚР Стратегиялық жоспарлау және реформалар агенттігі Ұлттық статистика бюросымен өндірушілердің өнімдерді дұрыс жіктеу үшін автоклавты газбетон өндірісінің егжей-тегжей технологиясын талдауды ұсынғаннан кейін өнеркәсіптік өнімдер анықтамалығына өзгерістер енгізу туралы уағдаластыққа қол жеткізілді.
Айта кетейік, ҰКП алаңында автоклавты газдалған бетон өндірушілерінің түйткілді мәселелері бойынша кеңес өтті. Оған мемлекеттік органдар мен өндіруші кәсіпорындардың өкілдері қатысты.
Пікір қалдыру:
Пікірлер: