ТБЖ: Ақтөбелік кәсіпкерлер тәуекелдің жоғары дәрежесін беру туралы хабарламаларды негізсіз жіберіліп жатқанына алаңдайды
Кәсіпкерлер палатасы өңір кәсіпкерлерін "Атамекенге" немесе МКК атына eOtinish сайты арқылы жүгінуге шақырады. Кәсіпкерлердің тәуекелдерді басқару жүйесін салық органдарының қолдануы шеңберінде оларды жоғары тәуекел дәрежесіне жатқызу туралы хабарламалар алу мәселесі өңірлік кеңестің отырысы барысында талқынданды.
Бүгінгі таңда Ақтөбе облысының кәсіпкерлер палатасына "Айком Сервис", "Геопроектстройхі", "Жеткізу", "Industrial Service Group", "NikaMax" жауапкершілігі шектеулі серіктестіктері және басқалары жоғары тәуекел дәрежесін (ТБЖ) беру туралы негізсіз қойылған хабарламалар мәселесі бойынша жүгінді. Кәсіпкерлер жазбаша өтінішке барлық хабарламалар мен өзге де құжаттарды қоса берді.
.JPG)
«Біріншіден, мемлекеттік кірістер органы ұсынған ТБЖ туралы хабарламалар критерийлердің толық жазылуын қамтымайды. Екіншіден, компанияларға 2022 жылғы кезеңге ешқандай айналымы жоқ хабарламалар берілді. Тиісінше, салық жүктемесінің жоғары коэффициенті (КНН) болуы мүмкін емес. Сондай-ақ, 2023 жылы жаңадан құрылған компанияларға қойылады, сонымен бірге ағымдағы жылдың 1 мамырындағы жағдай бойынша ҚХН-ға төмен тәуекел дәрежесі берілді және сол бірдей критерий бойынша, бірақ осы жылдың 1 тамызында тәуекел дәрежесі жоғары деңгейге ауыстырылды. Үшіншіден, дәйекті салық берешегі байқалмайтын компанияда тәуекел дәрежесі жоғары осы критерий бойынша хабарламалар қойылды. Мемлекеттік кіріс органдары бағдарламадағы ықтимал жүйелік сәтсіздікке сілтеме жасай отырып, кәсіпкерлерді жоғары тәуекел дәрежесі санатына жатқызудың негізділігі туралы біржақты жауап бере алмайды. Аумақтық мемлекеттік кірістер департаменті eOtinish сайты арқылы хабарламаларға шағымдану қажеттілігі туралы түсіндіреді. Алайда, қайта жүктеуге байланысты сайт техникалық себептермен жұмыс істемейді", - деп хабарлады Өңірлік кеңес мүшелеріне ӨКП директорының құқықтық мәселелер жөніндегі орынбасары Руслан Күйшінов.
.JPG)
Тәуекелдің жоғары дәрежесін беру салық төлеушілерге жағымды емес салдарға қауіп төндіреді:
- бизнес субъектісін осы санатқа жатқызу Мемлекеттік сатып алуға қатысу шеңберінде белгілі бір шектеулерге әкелуі мүмкін;
- ықтимал несиелеу мәселелері бойынша Екінші деңгейдегі банктермен проблемалар туындайды;
- аталған санатқа жатқызылған кәсіпкердің контрагенттері өзара есеп айырысу бойынша белгілі бір салдарлардан қорқып, өзара шарттық қатынастарды тоқтатады.
.JPG)
«Мәселенің ауырлығын ескере отырып, өңір кәсіпкерлерінен хабарламаларды қоса бере отырып, дереу Ақтөбе облысының кәсіпкерлер палатасына жазбаша өтініш білдірулерін сұраймыз. Бұл ретте мемлекеттік кіріс органдарына тәуекелдерді басқару жүйесі шеңберінде қайта қарау және кәсіпкерді жоғары тәуекел дәрежесі санатына жатқызу туралы негізделген жауап беру мақсатында қойылған хабарламаларға кері байланыс жүргізуді ұсынамыз», — деп өңірлік кеңестің төрағасы Асхат Айтжанов түйіндеді.
Өңірлік палатаның құқықтық блогының сарапшылары осы мәселе бойынша барлық өтініштерді бақылауға алады. Жақын арада "Атамекен" ҰКП мен Қаржымині МКК арасында әрбір жеке кейсті пысықтау жоспарлануда.
Пікір қалдыру:
Пікірлер: