«Атамекен» ҰКП алаңында ҚХР-мен шекара маңы туризмін дамытуға қатысты жиын өтті.

 Іс-шараға ҚР Туризм және спорт министрлігі, «Kazakh Tourism» Ұлттық компаниясы» АҚ, «Атамекен» ҰКП және туристік саланың бизнес-қоғамдастығының өкілдері қатысты.

«Атамекен» ҰКП басқарма төрағасы Райымбек Баталов туристік саладағы мақсаттардың бірі Қытайдан келетін туристік ағымды ұлғайту екенін атап өтті. Мәселен, 6 млн қытайлық туристің 1 млн адамы Шығыс Қазақстан облысына баруға дайын.

Ұлттық палата басшысы ҚХР-мен шекара маңы туризмін дамыту жөніндегі жол картасы туристер ағыны динамикасына ықпал ететініне сенімді.

«Бізге мемлекеттік органдармен түсіністік болғаны қажет. Сұраныс бар екенін көріп отырмыз және бұл сұранысты қанағаттандыруға дайын қазақстандық туроператорлар бар. Туроператорларымыз үшін барлық қажетті жағдай жасалып, инженерлік-коммуникациялық және жол-көлік инфрақұрылымы бойынша мәселелер шешілуі үшін уәкілетті органдармен пысықтап, практикалық мәселелерге серпін беру қажет», - деп атап өтті Райымбек Баталов.

ҚР Туризм және спорт вице-министрі Ержан Еркінбаев қазір «бүкіл әлем Қытай туристі үшін күресіп жатыр» деген пікірмен келіседі. Ержан Еркінбаев ҚХР-да Қазақстанның туризм жылын өткізуге дайындық туралы айтты.

«Мемлекет басшысы Қасым-Жомарт Кемелұлы Тоқаевтың өткен жылы Қытайға ресми сапары барысында 2024 жыл «Қытайдағы қазақстандық туризм жылы» деп жарияланды.  Осыған байланысты Министрлік белсенді дайындық жүргізіп жатыр. Нарық, орталық мемлекеттік және жергілікті атқарушы органдардың ұсыныстарын ескере отырып, туризм жылын өткізу тұжырымдамасы әзірленді. Осы аптаның басында ҚР Туризм және спорт министрі Е. Маржықпаевтың ҚХР Туризм министрі Сун Алимен ресми кездесуі өтті», - деді ол.

Министрлік ҚХР-да туризм жылын өткізу бойынша кешенді жоспар құрды. Онда  «Атамекен» ҰКП ұсыныстары ескерілді. Жалпы алғанда, Қытайдың ірі қалаларын қамтитын 35-ке жуық іс-шара бар: Пекин, Сиань, Шанхай, Үрімші, САР Гонконг, Ханчжоу, Чэнду.

«Ұлттық палата ұсыныстарынан тек туристік жоғары оқу орындарының өзара іс-қимылы және шекара маңы туризм форумы мәселелері ғана ескерілген жоқ. Қалған ұсыныстар қандай да бір жолмен жоспарларымызға сәйкес келеді»,-деді вице-министр.

Вице-министрдің айтуынша, туризм жылын «Kazakhstan. Belt & Road Destination» ұранымен өткізу ұсынылып отыр.  Терең тарихты, сондай-ақ Бір белдеу-бір жол бастамасы аясында көршілес екі ел арасындағы серіктестіктің үздіксіздігін бейнелейтін шексіздік белгісіне немесе 8 санына ұқсас логотип жасалды.

Туризм жылының ашылу салтанатының тұжырымдамасы екі бөлімнен тұрады. Арнайы көрмеде бірнеше күн бойы Қазақстанның мәдениеті мен туристік мүмкіндіктері көрсетіледі. Ал концерттік бөлім өнер арқылы елдеріміздің байланысы мен достығын көрсетеді. Іскерлік бөлім -ұйымдастырылған туризм мен инвестициялық ынтымақтастықтың өзекті мәселелерін талқылауға арналған бизнес-форум болады.

Көрме  туристік орындарды ғана емес, сонымен қатар қазақ мәдениетін, шығармашылықтың, фольклордың, асхананың және Қазақстанның ұлттық ойындары мен спорт түрлерінің дәстүрлі түрлерін көрсететін болады. Іс-шара аясында Астана мен Алматын қалаларын қоса алғанда, Қазақстанның туристік тартымдылығының ТОП-20 көрнекті орны таныстырылады. Ресми бөліктен кейін бір жыл ішінде Экологиялық және мәдени туризмнен ғарыштық туризмге дейінгі Қазақстан туризмінің сан алуан түрі бойынша тақырыптық апталықтар жоспарланған.

«Біз Қазақстанның ежелгі қалалары бойынша тур-маршрут, сондай-ақ халықаралық көрмелерге қатысу, роуд-шоу мен В2В кездесулерді өткізуді қамтитын бірқатар іскерлік іс-шараны таныстыра отырып, «Заманауи Жібек жолы» қалалары туризмінің бүкіл апталығын өткізуді көздейміз», – деп атап өтті Ержан Еркінбаев.

Сонымен қатар, шығармашылық ұжымдардың гастрольдері жоспарланған (Роза Бағланова атындағы «Қазақконцерт» және Абай атындағы Қазақ ұлттық опера және балет театры. С. Мұхамеджановтың «Жұмбақ қыз» операсы және П. И. Чайковскийдің «Аққу көлі» балеті), сондай-ақ спорттық іс-шаралар қамтылған.

 Сондай-ақ, Қытайдағы 5 ірі туристік көрмеге (COTTM, CITM, ITB China, China International Medical Tourism Fair, ITE Hong Kong) қатысу, блогтурлар, ірі туристік сайттармен (Ctrip) жарнамалық акцияларға, әлеуметтік желілерде (WeChat, Weibo, Redbook) шығу жоспарланған.

Жылдың ресми жабылуын 2024 жылдың желтоқсанында Алматыда өткізу жоспарланған.

«Атамекен» ҰКП туризм департаментінің ақпараты бойынша, 2023 жылдың 9 айындағы статистикаға сәйкес, қытайлық туристердің келу көрсеткіштері пандемияға дейінгі уақыт көрсеткіштерінен 3 есе жоғары. Сонымен қатар, кіру және шығу көрсеткіштері теңескен. Бұл өте маңызды, өйткені қазақстандық туристердің ҚХР-ға шығуы қытайлық туристердің ҚР-ға кіруінен қашан да жоғары болды. Бұл 2023 жылы күшіне енген визасыз режим көмегімен мүмкін болды.

ҚХР туристерінің Қазақстанға келуге деген қызығушылығының артуына байланысты туристік ағындарды өзара арттыру үшін талқылау және шешу қажет бірқатар мәселе бар.

 Бұл туралы жиынға онлайн қатысқан туроператорлар да айтты. Олар қытайлық туристер үшін турларды ұйымдастырудың өзекті мәселелерін атап өтті.

Мәселен, Ұлттық палата одан әрі шешу үшін уәкілетті органға жіберілген түйткілді мәселелерді белгілеп, тізілімге біріктірді. Олардың негізгілері екі елдің туроператорларының ынтымақтастығы болып отыр; - ұйымдастырылған туристік топтардың өткізу бекеттері арқылы кезектен тыс өтуі, сондай-ақ барлық өткізу бекеттердің әлеуетін пайдалану; ақпараттық турларды ұйымдастыру (автокеруен және B2B кездесулер); туристің қажеттіліктері; тұрақты негізде туристік топтардың жүйеленген алмасуы.

Бұдан басқа, «Атамекен» ҰКП туристік бизнеспен бірлесіп, Қазақстанның ҚХР-дағы туризм жылын өткізу шеңберіндегі іс-шаралар бойынша ұсыныстар әзірледі. Олар туризм және спорт министрлігінің қарауына жіберілді.