Бірлескен жұмыс 30 млрд теңгені құрайтын офтейк келісім-шарттарын жасауға ықпал етті
«QazaqGaz» Ұлттық компаниясы» АҚ дөңгелек үстел ұйымдастырып, онда мұнай-газ саласын дамыту перспективалары мен отандық өндірушілерді қолдау мәселелері талқыланды. Іс-шараға «Атамекен» ҰКП өкілдері, салалық министрліктер, мұнай-газ компаниялары мен Қазақстанның бизнес-қоғамдастықтарының басшылары қатысты.
Кездесу барысында реттелетін сатып алулардағы жергілікті қамту үлесін арттыру бойынша қабылданып жатқан шаралар мен мұнай-газ саласындағы жаңа жобалардың келешегі талқыланды.
«Атамекен» ҚР ҰКП Басқарма Төрағасының орынбасары Мұрат Әмрин өз сөзінде реттелетін сатып алулардағы қазақстандық қамтуды арттыру тек экономикалық қажеттілік емес, сондай-ақ, ұлттық қауіпсіздік мәселесі екенін атап өтті.
«Үкімет бизнеспен бірлесе отырып, ОТӨ-ны қолдау бойынша ауқымды жұмыстарды атқаруда. Экономиканың түрлі салаларында, соның ішінде мұнай-газ саласында үлкен жобалар жүзеге асырылуда. Сонымен қатар, Қазақстанда аналогтары болғанымен, жобалау кезінде шетелден шыққан тауарлардың пайдаланылған жағдайлар кездеседі.
Осыған байланысты импортты алмастыру саясатын түбегейлі қайта қарау, жобаларда OTӨ тауарларының санын ұлғайту үшін нақты KPI белгілей отырып, жобалау сатысында да, құрылыс кезінде де OTӨ тауарларын пайдалану мониторингін күшейту қажет», - деді Әмрин.
(1).JPG)
Сондай-ақ, «Атамекен» ҰКП тауарларды, жұмыстарды, қызметтерді өндірушілердің тізілімі негізінде мемлекеттік қолдау шараларын алушылардың тізілімін құру бойынша жұмыс жүргізіп жатқаны туралы хабарлады. Осы дерекке сәйкес реттелетін сатып алуларға және ұлттық жобаларға қатысатын, сондай-ақ мемлекеттік қолдау шараларын алатын барлық субъектілер үшін аналитикалық ақпарат қалыптастырылатын болады. Бұл салық түсімдерінің ұлғаюы, жұмыс орындарын құру, өндірісті оқшаулауды арттыру және басқа да көрсеткіштер түріндегі бизнестің өзара міндеттемелерін бақылауға мүмкіндік береді.
Осылайша, ұсынылатын мемлекеттік қолдау шараларын қазақстандық қамту деңгейімен салыстыруға болады, бұл да мұнай-газ секторындағы жұмыстарды жобалау және салу кезінде ескерілуі тиіс.
Дөңгелек үстел барысында «QazaqGaz» ҰК АҚ басқарма басшысы Санжар Жаркешов «Азиялық Газқұбыры» ЖШС және «Бейнеу-Шымкент газ құбыры» ЖШС бірлескен кәсіпорындары үшін сатып алудың жаңа ережелері туралы айтты. Бұл тәсіл жобаларға отандық тауар өндірушілерді тікелей тартуға бағытталған.
.JPG)
Жергілікті қамту үлесін арттыруға бағытталған нормативтік-құқықтық базаны жетілдіру бойынша белсенді жұмысты Энергетика вице-министрі Арымбек Құдайберген де атап өтті. Ол жер қойнауын пайдаланушыларды тауарлардың жергілікті қамту үлесіне қатысты ең аз міндеттемелермен келісімшарттар жасасуға міндеттейтін талапты еске салып, бұл үлесті 22%-ға дейін арттыру бастамасына тоқталды.
Өз кезегінде «Самұрық-Қазына Контракт» ЖШС бас директоры Эльдар Доскенов Қордың сатып алу рәсімі отандық тауар өндірушілерді сатып алуды жоспарлау мен жариялаудағы басымдылықтан келісім-шартты орындауға дейін қолдауға арналған 15-тен астам шараны қамтитынын атап өтті.
Дөңгелек үстелдің қорытындысы бойынша «QazaqGaz» ҰК» АҚ еншілес компаниялары отандық өндірушілермен 30 млрд теңгеден астам сомаға офтейк келісім-шарттарын жасады.
(2).JPG)
Пікір қалдыру:
Пікірлер: