Қазақстанның жер қойнауын геологиялық зерттеу: қазіргі жағдайы және негізгі проблемалары
«Атамекен» ҰКП алаңында Мемлекет басшысының 2023 жылғы 1 қыркүйектегі «Әділетті Қазақстанның экономикалық бағдары» атты Қазақстан халқына жолдауының жер қойнауын пайдалану құқығын жүзеге асыратын инвесторларға өз қаражаты есебінен геологиялық зерттеуді қамтамасыз ету бөлігі бойынша дөңгелек үстел өтті.
Іс-шараға Басқарма төрағасының орынбасары Мәлік Сәулебай, геология-минералогия ғылымдарының докторы, профессор Герой Жолтаев, геология-минералогия ғылымдарының докторы, Қазақстандық мұнайшы-геологтар қоғамының президенті Балтабек Қуандықов, «БеНиЛюкс сауда палатасы» қауымдастығының президенті Ван ден Вейх Денис, ҚР Өнеркәсіп және құрылыс министрлігі Геология комитеті төрағасының орынбасары Қанат Ерубаев, қоғамдық қайраткерлер, тәуелсіз сарапшылар және кәсіпкерлер қатысты.
Сарапшылардың айтуынша, бүгінде еліміздің барлық өнеркәсіп саласын қарқынды дамыту үшін минералдық-шикізат базасын толықтыру мақсатында Қазақстан аумағының геологиялық зерделенуін арттыру қажет.
Мәлік Сәулебай өз сөзінде Ұлттық палата мемлекет басшысының еліміздегі инвестициялық ахуалды жақсарту жөніндегі тапсырмаларын іске асыру аясында ауқымды жұмыс жүргізіп жатқанын атап өтті.
Перспективалы бағыттардың бірі жер қойнауын геологиялық зерттеудегі көмірсутек шикізатының болуы, сондай-ақ жобаларды іске асыру үшін қомақты инвестициялар мен мерзімдерді талап етеді, бірақ ешқандай дивидендтерді көздемейді. «Жер қойнауы және жер қойнауын пайдалану туралы» ҚР Кодексіне өз қаражаты есебінен жер қойнауын геологиялық зерттеген кәсіпкерлерге лицензиялық аумақ шекараларында көмірсутектерді барлау мен өндіруге ауысуға басым және айрықша құқық беру бөлігінде толықтырулар енгізу туралы ұсынымдар әзірленді.
Сондай-ақ, барлық нормативтік процестер мен тетіктерді тиісті түрде реттей отырып, мемлекет пен қоғамға пайда әкелетін, бюджет қаражатын үнемдейтін қандай да бір бюджеттік шығындарсыз инвестициялар тарту есебінен оны тиімді дамыту үшін әлеует бар екені атап өтілді.
«БеНиЛюкс сауда палатасы» қауымдастығының президенті Ван ден Вейх Денис геологиялық саладағы және геологиялық барлау жұмыстарын дамытудағы мәселелерді ҚР Президенті атап өтіп, басты назар аударғанын жеткізді. 2024 жылғы маусымда ҚР Парламенті Мәжілісінің депутаттары жұмыстарын өз қаражаты есебінен қаржыландыратын лицензиаттар үшін көшу нормалары жоқ заң жобасына бастамашылық жасады.
.JPG)
Бұл ретте көмірсутек шикізатының болуына жер қойнауын геологиялық зерттеу жүргізу жобаларын іске асыру үшін қомақты инвестициялар мен мерзімдерді талап етеді.
Сонымен қатар, бүгінде инвесторлар барлау мен өндіруге көшу үшін басым құқықтың жоқтығын ескере отырып, жер қойнауын геологиялық зерттеу жүргізуге мүдделі емес екені айтылды.
Осыған байланысты, жер қойнауын геологиялық зерттеуді жүзеге асыратын кәсіпкерлік субъектілеріне осындай құқық беру мәселесі бәсекелестік бизнес-ортаны жандандыруға мүмкіндік береді.
Шара соңында ҚР Президентіне геология саласының ардагерлері мен кәсіпкерлер өз ұсыныстарын айтып, хат жолдайтын болды.
Пікір қалдыру:
Пікірлер: