Стартаптардан әлемдік көшбасшыларға дейін: Enactus World Cup 2024 Астанада қалай өтті?
Астанада ТМД елдерінде алғаш рет өткізілген кәсіпкерлік саласындағы ең ірі студенттік іс-шаралардың бірі Enactus World Cup 2024 сәтті аяқталды. 33 елден келген 3000-нан астам қатысушы халықаралық қазылар алқасы алдында өздерінің инновациялық бизнес жобаларын сарапқа салды.
Осы беделді іс-шараға қатысу жас кәсіпкерлерге бәсекелестікке ғана емес, сонымен қатар кәсіпкерлік дағдыларын дамытуға жаңа серпін алуға бірегей мүмкіндік берді.
«Жетісу университетінің командасы жартылай финалға өтті, бұл тамаша нәтиже. Қазақстанда бағдарламаға 50-ден астам жоғары оқу орындары мен 100-ден астам мектеп ұжымдары тартылған. Астанадағы әлем чемпионаты жоба үшін үлкен серпіліс», - деді шарада «Атамекен» Ұлттық кәсіпкерлер палатасы Президиумының төрағасы, Enactus Kazakhstan директорлар кеңесінің төрағасы Райымбек Баталов.
Оның айтуынша, Қазақстан мұнымен тоқтап қалмайды: Enactus мектеп лигасын кеңейту жоспарлануда және болашақта мектеп оқушылары арасында әлем чемпионаты да өтуі мүмкін.
Сиырлардағы маститтің алдын алу және емдеуде антибиотиктер мен басқа да химиялық заттарды алмастыруға арналған 100% табиғи шөптен жасалған дәрілік өнімдерді ұсынатын BOVITA әлеуметтік жобасымен Тунистің бизнес мектебінің командасы айтулы доданың чемпионы атанды. «Біз өз еліміздің атынан шығып, Кубокты жеңіп алғанымызды мақтан тұтамыз», - деп Тунис жеңімпаздары қуаныштарымен бөлісті.
.jpeg)
Екінші орын Мохамед университетінің (Марокко) ENACTUS командасына бұйырды, ал үшінші және төртінші орындар Германия технологиялық институты мен Оңтүстік Кореяның Конкук университетінің ENACTUS командаларына бұйырды.
Биылғы жылы ерекше оқиға Enactus Kazakhstan компаниясының президенті Альбина Ержановаға Global Champion Award CEO сыйлығын табыстау болды. Бұл марапат оның көшбасшылығы мен осындай маңызды оқиғаны өткізуге мүмкіндік берген жан-жақты қолдауы үшін берілді.
Resolution Project басшысы Джордж Циатис Enactus Kazakhstan шарасы көшбасшы жастарға өз мүмкіндіктерін көрсететін керемет мүмкіндік.
Әлем кубогы аясында «Атамекен» ҰКП қолдауымен ұйымдастырылған Business Collaboration Forum жиыны да өтті. Форумға қатысушылар Қазақстанның студенттік бастама мен бизнесті дамытудың жаңа орталығы ретіндегі маңыздылығына тоқталды.
Шетелдік командалар Қазақстанның оннан астам мәдени және тарихи орындарын аралады. Қазақстан Президенті Қасым-Жомарт Тоқаев чемпионатқа қатысушыларға арнаған құттықтауында атап өткендей, «Қазақстанда жастардың сапалы білім алып, кәсіпкерлікпен айналысуы үшін барынша жағдай жасалған. Мұндай іс-шараның елімізде және ТМД елдерінде өтуі осыған дәлел. Enactus Әлем Кубогы жастар кәсіпкерлігінің өсуіне шабыт береді және бизнес көшбасшыларының келесі легін дамытуға көмектеседі».
Келесі Enactus World Cup сайысы келесі жылы Таиланд астанасы Бангкок қаласында өтеді.
Пікір қалдыру:
Пікірлер: