Белградта Қазақстан-Серб бизнес форумы өтті
2024 жылғы 12 қарашада Белградта Қазақстан мен Сербия арасындағы экономикалық ынтымақтастықтың келешегін талқылау үшін маңызды алаңға айналған Қазақстан-Серб бизнес форумы өтті. Іс-шараға Сербия Республикасының Сауда-өнеркәсіп палатасының вице-президенті Михайло Весович, Қазақстанның Сербиядағы Төтенше және Өкілетті Елшісі Мәди Атамқұлов және Қазақстанның Сыртқы сауда палатасының басқарма төрағасы Мұрат Қарымсақов қатысты.
Мұрат Қарымсақов өз сөзінде елдер арасындағы тарихи байланыстардың маңыздылығын атап өтті.
«Біздің ынтымақтастығымыз 1996 жылы дипломатиялық қарым-қатынас орнағаннан бері отыз жылға жуық уақыт бойы жалғасып келеді. Қашықтыққа және әртүрлі экономикалық шындыққа қарамастан, біз әріптестікті дамыту үшін берік негіз құра алдық», - деді спикер.
Ол сондай-ақ елдер арасындағы тауар айналымының өсу динамикасына тоқталып, 2023 жылы тауар айналымы 23 пайызға өсіп, 91 миллион АҚШ долларын құрағанын айтты. Бұл өсім өзара мүдделердің кеңейіп, экономикалық байланыстардың нығаюын көрсетеді. Бұл Қазақстан мен Сербия компанияларының ортақ тіл табысып, әріптестік үшін жаңа мүмкіндіктер ашып жатқанын аңғартады.
«Қазақстан Сербияға тауарлардың кең ассортиментін, оның ішінде ауыл шаруашылығы өнімдері мен минералды тыңайтқыштарды жеткізеді. Өз кезегінде Сербия Қазақстанға дәрі-дәрмек, темекі өнімдері мен ауыл шаруашылығы жабдықтарын экспорттайды. Екі ел де сауда-өнеркәсіптік ынтымақтастықтың жаңа бағыттары арқылы бұл өзара іс-қимылды айтарлықтай кеңейте алады», - деді Қарымсақов.
.JPG)
Сыртқы сауда палатасының басқарма төрағасы сондай-ақ «Атамекен» Ұлттық кәсіпкерлер палатасы мен Қазақстанның Сыртқы сауда палатасының бизнес пен инвестиция үшін жағдайды жақсартудағы жетістіктерімен бөлісті және форумға қатысушыларды әзірленген Ұлттық цифрлық инвестициялық платформаны пайдалануға шақырды. Қазірдің өзінде 40 миллиард доллар тұратын 755-тен астам инвестициялық жобалар қамтылған.
«Бізде шетелдік инвесторлар үшін ашық есік саясаты бар, ол болжамды салық режимін қамтамасыз етеді және әділ бизнес-ортаны қалыптастырады. Халықаралық ынтымақтастықты қолдау үшін Ұлттық цифрлық инвестициялық платформа әзірленді. Осылайша, біз серіктестер іздеуден бастап жобаны кешенді қолдауға дейінгі барлық кезеңде инвесторларды сүйемелдей аламыз. Біздің мақсатымыз – елдеріміз арасындағы ынтымақтастық тұрақты нәтиже беріп, барлық тараптарға пайда әкелуін қамтамасыз ету», - деп атап өтті Қазақстанның Сыртқы сауда палатасының басшысы.
Сондай-ақ, форум аясында Сербия Республикасының Сауда-өнеркәсіп палатасының вице-президенті Михайло Весовичтің Мұрат Қарымсақовпен және басқа да ресми тұлғалармен екіжақты кездесуі өткенін атап өткен жөн.
Форум сондай-ақ бизнес-диалогтар мен B2B кездесулерін қамтыды, онда қазақстандық бизнес әртүрлі салалар, соның ішінде медицина және фармацевтика (Aeromed Tehnology group, Grand Pharmaceutical doo Beograd), логистика және автомобиль өнеркәсібі/көлік (CMA CGM POMORSKA AGENCIJA DOO, EMA DOO VF Holding, Trans Cargo Logistic doo) ұсынатын серб компанияларымен кездесті.
Диалогтар аясында раушан көшеттері мен көкөніс тұқымдарын өндіру және сату, ауыз су және ағынды суларды тазарту технологиялары (Kalem - Voće Miladinović, Superior doo, SIGMA CRVENKA DOO) компаниялары да таныстырылды. Сонымен қатар, ауыл шаруашылығы, ғылыми зерттеулер, биотехнология және эксперименттік әзірлемелер, соның ішінде биотехникалық ғылымдар салаларындағы ынтымақтастық талқыланды. Сондай-ақ қазақстандық компаниялар көшеттерді сату және экспорттау, құрылыс және өндіру (Monteagro DLM, Structura Concept) бойынша делдалдық саласындағы серіктестермен байланыс орнатты.
Пікір қалдыру:
Пікірлер: