Астана – жастар кәсіпкерлігінің орталығы: 30 – Enactus Kazakhstan National EXPO 2025 Кубогы аяқталды
Екі күн бойы Қазақстанның астанасы жастар кәсіпкерлігі мен әлеуметтік инновацияның жүрегіне айналды. Бүгін Enactus Kazakhstan National EXPO 2025 Кубогының 30-мерейтойы аяқталды. Мұнда 30 мыңнан астам жас инноваторлар мен өзгерістер көшбасшыларының басын қосты.
Еліміздің түкпір-түкпірінен келген 230 өтінім, 189 команданы жинаған Enactus жай ғана студенттік жарыс емес, кәсіпкерлік арқылы әлеуметтік маңызы бар жобаларды құруды мақсат ететін жаһандық қозғалыс екенін дәлелдейді. Биыл қатысушылар экология, инклюзия, білім беру, цифрландыру және тұрақты даму салаларындағы идеяларын көрсетті.
Enactus Kazakhstan National Expo жеңімпаздары Таиландта өтетін студенттер арасындағы кәсіпкерлік жобаларға арналған ең ірі халықаралық чемпионат — Enactus World Cup-қа Қазақстанның атынан қатысу мүмкіндігіне ие болды.
Әртүрлі лига бойынша жеңімпаздар:
World Cup лигасы:
1-орын — Астана Медицина Университеті (Астана қ.)
2-орын — Әл-Фараби атындағы Қазақ Ұлттық Университеті (Алматы қ.)
3-орын — Нархоз Университеті (Алматы қ.)
4-орын — Шет тілдер колледжі (Қарағанды қ.)
Early Stage лигасы:
1-орын — Astana IT University (Астана қ.)
2-орын — М. Қозыбаев атындағы университет (Петропавл қ.)
3-орын — Coventry University Kazakhstan
4-орын — С. Асфендияров атындағы Қазақ Ұлттық Медицина Университеті (Алматы қ.)
College лигасы:
1-орын — Каспий колледжі (Алматы қ.)
2-орын — Алматы Бизнес Колледжі
3-орын — Қазақстан халықаралық лингвистикалық колледжі (Астана қ.)
4-орын — Индустрия және туризм колледжі (Алматы қ.)
МКРЧ:
1-орын — НЗМ, Орал қ.
2-орын — НЗМ ФМБ, Астана қ.
3-орын — НЗМ, Қостанай қ.
4-орын — НЗМ, Шымкент қ.
«Enactus – практикалық өмір мектебі. Ұлттық кәсіпкерлер палатасының өкілі ретінде мен жастар, бизнес және мемлекет арасындағы тиімді ынтымақтастықтың маңыздылығын атап өткім келеді. Мұндай ынтымақтастық тек микро және шағын бизнесті қолдау және дамыту саласында ғана емес, сонымен қатар, жаһандық мақсаттарда да перспективалы болып табылады. Бұл барлық тараптарға нақты пайда әкелетін бағыт», - деді «Атамекен» ҰКП Төралқа төрағасы, Enactus Kazakhstan директорлар Кеңесінің төрағасы Райымбек Баталов.
Айта кетейік, 2024 жылы Райымбек Баталовтың жетекшілігімен Қазақстан өз тарихында және ТМД тарихында алғаш рет Астанада Enactus World Cup 2024 әлем чемпионатын өткізді. Оның үстіне, еліміз әлемде бірінші болып Enactus мектеп бағдарламасын жүзеге асырды, ол қазір басқа елдерге де таралуда. Директорлар кеңесі атап өткендей, Астанада да мектеп оқушылары арасындағы бірінші әлем чемпионатын өткізу туралы келіссөздер басталды. Мұндай бастама Қазақстанның жаһандық инновациялық картадағы позициясын нығайтуға көмектесуі мүмкін.
Премьер-Министрдің орынбасары Ермек Көшербаев өз сөзінде атап өткендей, тұрақты дамудың қозғаушы күшіне жаңа ұрпақ айналады.
«Мемлекет жастардың әлеуетін ашуға, батыл идеяларды жүзеге асыруға және кәсіби мансабын сапалы бастауға мүмкіндік беретін Enactus-ты белсенді түрде қолдайды. Еліміздің тұрақты дамуын қамтамасыз ету үшін инновациялардың қозғаушы күшіне айналатын және табысты стартаптарды жасайтын жаңа буын өкілдері сіздер екендеріңізге сенімдіміз. Адалдық сияқты қасиеттер біздің қоғамымыздың таза, жақсы және мейірімді болуына көмектеседі», - деді Көшербаев.
ENACTUS Kazakhstan президенті Альбина Ержанова атап өткендей, бұл шара жай ғана мерейтой емес, бұл ел көшбасшыларының келесі толқыны үшін болашаққа дұрыс бағдар сілтейтін алаң.
«Жоба ұжымдық жұмысты жүзеге асыруға, болашақта жұмысқа орналасуға және өз ісін ашуға көмектеседі. Әрбір қатысушы өмірдің нағыз бастауын алады және ересек ұрпақ үшін жастарға дұрыс бағыт көрсету маңызды. Ал біздің ENACTUS жобамыз бүгінгі күн үшін ең жақсы қасиеттерді – икемділік, бейімделу және қиындықты жеңуге тәрбиелейді», - деп мәлімдеді Альбина Ержанова.
29-30 сәуірде Enactus Кубогында студенттік тәлімгерлердің қолдауымен 5-8 сынып оқушыларының жобаларының питчингі, жастардың инновациялық идеяларының көрмесі және БҰҰ-ның 17 Тұрақты даму мақсатына қол жеткізудегі оқушылардың үлесіне арналған Форумы өтті.
Түлектер қауымдастығының «Менің Enactus-пен көшбасшылыққа және кәсіпкерлікке бағытталған жолым» бизнес-сессиясының аясында қатысушылар нақты табыс тарихымен бөлісті. Қырғызстаннан келген команданың түлегі Нұриза Бақтыбекова 2015 жылы бастаған жобаның 10 жылдан кейін жаңа заң жобасына қалай негіз болғанын айтып берді. Бір кездері студенттер бастаған істі жалғастырып, бүгінде оның көптеген курстастары заң фирмаларының негізін қалаушы.
«Enactus бізге мақсатты көруге және тоқтамауға үйретті», - деп қорытындылады 2015 жылдың түлегі.
Пікір қалдыру:
Пікірлер: