Зырян ауданында еліміз бойынша тұңғыш кәсіпкерлерді қолдау орталығы ашылды
2015 жылғы 11 Ақпан
2253 просмотров
Шағын және орта кәсіпкерлікпен айналысатын, бизнесті енді бастағалы жүрген азаматтар бұл жерден өздеріне қажетті барлық көмекті табады.
«Бір терезе» қағидасымен жұмыс істейтін кәсіпкерлер үйінің ашылуына Ұлттық кәсіпкерлер палатасы ұйытқы болған.
Мекеменің ішінде заңгер, маркетолог, бірнеше мемлекеттік органдардың мамандары бар.
Олар кәсіпкерлерге бизнес-жоспар жасаудан бастап, салықты қалай есептеп, қалай төлеу қажет екенін түсіндіреді.
«Даму» қорының өкілдері болса, еліміздегі барлық мемлекеттік бағдарламалар туралы толық ақпарат беріп, несие немесе субсидия алуға көмектеседі.
Осы кәсіпкерлер орталығында бизнес-мектеп те жұмыс істейді. Мұнда білікті ұстаздар келген адамға кәсіпкерліктің қыр-сырын үйретеді.
Дерекнамасы: Қазақстан
Пікір қалдыру:
Пікірлер: