Қазақстанда «Еңбек адамы» республикалық байқауы жарияланды
Елімізде Ұлттық кәсіпкерлер палатасы мен «Қазақстан ауыл жастары және еңбеккерлері» қауымдастығы «Еңбек адамы» атты республикалық байқау жариялап отыр.
Осыған орай байқаудың шарттары мен мақсат-мүддесі түсіндірілді. Сайыс 6 номинация бойынша өтеді. Металургия, тау-кен, мұнай-газ, құрылыс, көлік жасау, көлік жүйесі сияқты салада еңбек ететін қарапайым жұмысшы жастар өзара бәсекеге түспек. Талап бойынша қатысушы өзінің жұмыс орны туралы жеткен жетістіктері мен мамандығының қыр-сыры жайында бейнебаян дайындауы тиіс. Жұмысшы күшінің жетіспей жататын тұсы болады, байқау жастар арасында еңбек адамын дәріптеу арқылы осы олқылықтың орнын толтыруға бағытталып отыр, -дейді ұйымдастырушылар. Жеңімпаздар қыркүйек айының соңында анықталып, бағалы сыйлықтармен марапатталады.
Марат Қаржаубеков, облыстық кәсіпкерлер палатасының сектор меңгерушісі:
- Жастар ішінде негізінен гуманитарлық мамандықтарға, яғни банк, салық бойынша қызығушылық артуда. Жұмысшы мамандығына жастардың көбі аса бара бермейді. Негізгі мақсат – жұмысшы мамандық бойынша мамандықтар мәртебесін көтеру. Сол бойынша жастарды марапаттау болып табылады.
Дерекнамасы: 24kz
Пікір қалдыру:
Пікірлер: